அமெரிக்கா மற்றும் சீனாவுக்கு இடையிலான வர்த்தக போர் தீவிரமடைந்து வருகிறது. இந்த சூழ்நிலையில், சீனாவும் அதற்கு உரிய பதிலடி கொடுத்து வருகிறது. சீன அரசு தற்போது, அமெரிக்காவின் போயிங் நிறுவனத்திடமிருந்து விமானங்கள் வாங்குவதை தடைசெய்துள்ளது.
இது போயிங் நிறுவனத்துக்கு பெரிய பின்னடைவாக பார்க்கப்படுகிறது.அமெரிக்கா சீனாவிலிருந்து இறக்குமதி செய்யும் பல்வேறு பொருட்களுக்கு 145% வரி விதித்துள்ளது. இதற்குப் பதிலாக, சீனாவும் அமெரிக்கா விற்பனை செய்யும் பொருட்களுக்கு 125% வரி விதிக்க முடிவு செய்துள்ளது. இந்த பரஸ்பர வரி நடவடிக்கைகள், இரு நாடுகளுக்கும் இடையே வர்த்தக யுத்தத்தை வெடிக்கவைத்துள்ளன.
போயிங் நிறுவனம் விமானங்கள், செயற்கைக்கோள்கள், ஏவுகணைகள் போன்றவை வடிவமைக்கும் உலகின் நான்காவது பெரிய தொழில்துறை நிறுவனமாகும். வருவாயின் அடிப்படையில், இது அமெரிக்காவின் மிக முக்கியமான ஏற்றுமதி நிறுவனங்களில் ஒன்றாகும்.2018ஆம் ஆண்டில் மட்டும் போயிங் நிறுவனம் சீனாவுக்கு 25% விமானங்களை ஏற்றுமதி செய்துள்ளது. மேலும், அடுத்த 20 ஆண்டுகளில் சீனாவிற்கு 20% விமான உற்பத்தியை ஏற்றுமதி செய்யும் திட்டத்துடன் செயல்பட்டு வந்தது.
ஆனால் தற்போது சீன அரசின் புதிய முடிவால் அந்த ஒப்பந்தங்கள் நிலைமாறியுள்ளன.இந்த தடையால் போயிங்கின் வருவாய் குறையும் என்பதில் சந்தேகம் இல்லை. உலக சந்தையில் இந்த முடிவு பெரும் தாக்கத்தை ஏற்படுத்தும். சீனாவின் இந்த திடீர் முடிவு, அவர்களின் அரசியல் மற்றும் பொருளாதார உத்திகளை வெளிக்காட்டுகிறது.
அமெரிக்கா மற்றும் சீனாவிடையே நீடிக்கும் இந்த வர்த்தக போர், சர்வதேச பொருளாதாரத்தில் ஆழமான தாக்கங்களை ஏற்படுத்தும் வகையில் உள்ளது. இதில், முதலாவது பாதிக்கப்படுவது போயிங் போன்ற தொழில்துறை நிறுவனங்களே.போயிங் நிறுவனத்தின் சந்தை மதிப்பும், வர்த்தக நம்பிக்கையும் குறைவடையும் வாய்ப்பு உள்ளது. சீனாவின் இந்த முடிவால், போயிங் இந்தியா, ஐரோப்பா, மற்றும் மத்தியகிழக்கு நாடுகளை நோக்கி தனது சந்தையை மாற்றும் சாத்தியமும் உள்ளது. இந்த முடிவுகள், இரு நாடுகளுக்குள்ள அரசியல் குழப்பங்களை மேலும் தீவிரமாக்கும். வர்த்தகத்தில் அரசியல் அதிகாரம் எப்படி தாக்கம் செய்கிறது என்பதற்கு இது ஒரு முக்கிய எடுத்துக்காட்டு.
