புது டெல்லி: தனது பயணத்தின் முதல் நாளில் பிரதமர் மோடி இன்று மத்திய கிழக்கு நாடான சைப்ரஸுக்குச் செல்கிறார். அந்நாட்டு அதிபர் நிகோஸ் கிறிஸ்டோடூலிட்ஸின் அழைப்பின் பேரில் பிரதமர் மோடி சைப்ரஸுக்குச் செல்கிறார். நாளை வரை அவர் அங்கு இருப்பார். பல்வேறு நிகழ்வுகளில் பங்கேற்பார். குறிப்பாக, தலைநகர் நிக்கோசியாவில் அதிபர் நிகோஸ் கிறிஸ்டோடூலிட்ஸை சந்தித்து இருதரப்பு பேச்சுவார்த்தை நடத்துவார்.
லிமாசோலில் நடைபெறும் வணிக மன்றத்தில் சிறப்பு உரையையும் நிகழ்த்துவார். 20 ஆண்டுகளில் ஒரு இந்திய பிரதமர் சைப்ரஸுக்கு வருகை தருவது இதுவே முதல் முறை. சைப்ரஸ் பயணத்தை முடித்த பிறகு, நாளை கனடாவுக்குச் செல்வார். அவர் 17-ம் தேதி வரை அங்கு இருப்பார், கனடாவின் கனனாஸ்கிஸில் நடைபெறும் ஜி-7 உச்சி மாநாட்டில் கலந்து கொள்வார். இந்த உச்சிமாநாட்டின் போது, ஜி-7 நாடுகளின் தலைவர்களுடன் தனித்தனி சந்திப்புகளை நடத்தி இருதரப்பு உறவுகள் குறித்து விவாதிப்பார்.
பின்னர், 18-ம் தேதி, ஐரோப்பிய நாடான குரோஷியாவுக்குச் செல்கிறார். அந்நாட்டுப் பிரதமர் ஆண்ட்ரெஜ் பிளன்கோவிச்சின் அழைப்பின் பேரில் அங்கு செல்லும் பிரதமர் மோடி, அங்கு பல்வேறு நிகழ்வுகளில் பங்கேற்பார். இந்தியப் பிரதமர் ஒருவர் குரோஷியாவுக்குச் செல்வது இதுவே முதல் முறை.
