வாஷிங்டன்: வாகனத்தில் செல்லும் போது தவறி விழுந்து இளம் ஹாலிவுட் நடிகர் ஹட்சன் மீக் இறந்தார்.
பேபி டிரைவர் திரைப்படம் கடந்த 2017-ம் ஆண்டு வெளிவந்தது. அதில் யங் பேபியாக நடித்தவர் ஹட்சன் மீக். அதன்பின், அவரது நடிப்பு வாழ்க்கை முன்னேறியது.
இந்நிலையில், ஹட்சன் மீக் அலபாமாவின் வெஸ்டாவியா ஹில்ஸ் பகுதியில் வண்டியில் சென்றுகொண்டிருந்தார். அப்போது திடீரென நிலைதடுமாறிய ஹட்சன் மீக் வண்டியில் இருந்து விழுந்தார்.
சாலையில் விழுந்ததில் படுகாயம் அடைந்த மீக் மருத்துவமனைக்கு கொண்டு செல்லப்பட்டார். அங்கு அவர் சிகிச்சை பலனின்றி இறந்தார். ஹட்சன் மீக் மரணம் குறித்து வெஸ்டாவியா ஹில்ஸ் போலீசார் விசாரணை நடத்தி வருகின்றனர்.
சாலை விபத்தில் 16 வயது நடிகர் உயிரிழந்தது அப்பகுதியில் சோகத்தை ஏற்படுத்தியுள்ளது.
