அமெரிக்கா மற்றும் ஐரோப்பிய ஒன்றியத்துக்கு இடையில் புதிய வர்த்தக ஒப்பந்தம் அறிவிக்கப்பட்டுள்ளது. ஸ்காட்லாந்தின் டர்ன்பெரியில், ஐரோப்பிய ஆணையத் தலைவர் உர்சுலா வான் டெர் லேயனை அமெரிக்க அதிபர் டொனால்ட் டிரம்ப் சந்தித்த பிறகு இந்த முக்கிய அறிவிப்பு வெளியிடப்பட்டது. புதிய ஒப்பந்தத்தின் அடிப்படையில், ஐரோப்பிய பொருட்கள் அமெரிக்காவுக்குள் வரும்போது, அவற்றுக்கு 15% வரி விதிக்கப்படும்.
இந்த வரியை எதிரொலிக்க, ஐரோப்பிய ஒன்றியம் அமெரிக்காவிலிருந்து அதிகளவில் எரிசக்தி பொருட்கள் மற்றும் ராணுவ உபகரணங்களை வாங்க ஒப்புக்கொண்டுள்ளது. அதிபர் டிரம்ப் இந்த ஒப்பந்தத்தை “மிகவும் சக்திவாய்ந்ததும், இதுவரை எட்டிய மிகப்பெரிய வர்த்தக ஒப்பந்தம்” என வர்ணித்துள்ளார். அவரது கூற்றுப்படி, இது கடந்த ஒப்பந்தங்களை விட பலமடங்கு வலிமையானதாகும்.
ஐரோப்பிய ஒன்றியம், தற்போதைய அளவைக் காட்டிலும் 600 பில்லியன் டாலர் அதிகமாக, மொத்தம் 750 பில்லியன் டாலருக்குமீறிய அளவில் அமெரிக்க எரிசக்தி பொருட்களில் முதலீடு செய்ய ஒப்புக் கொண்டுள்ளது. இது வர்த்தக உறவுகளை மட்டுமல்ல, இருதரப்பு நாட்டு வளர்ச்சிக்கும் புதிய பாதையை உருவாக்கும் என்று கருதப்படுகிறது.
இந்த ஒப்பந்தம் அமெரிக்கா–ஐரோப்பா இடையேயான வர்த்தகத்துக்கு புதிய திசை காட்டுவதுடன், உலக சந்தையிலும் தாக்கத்தை ஏற்படுத்தும் வகையில் அமைந்துள்ளது.
