துணை ஜனாதிபதி ஜக்தீப் தன்கர் திடீரென ராஜினாமா செய்ததை தொடர்ந்து, அரசியல் வட்டாரத்தில் பல கேள்விகள் எழுந்துள்ளன. கடந்த ஜூலை 21ம் தேதி இரவு, தனது பதவியை ராஜினாமா செய்தார் என்ற அறிவிப்பு வெளியாக, அதற்குப் பிறகு அவரது உடல்நிலை குறித்து பிரதமர் மோடி கவலை தெரிவித்து விரைவில் குணமடைய வாழ்த்தும் செய்தி வெளியானது. இந்த நேரத்தில் அவர் எங்கே? என்ன நிலை? என்பது குறித்து எதிர்க்கட்சிகள் தொடர்ந்து சந்தேகங்களை எழுப்பி வருகின்றன.
இந்த சூழ்நிலையில், உள்துறை அமைச்சர் அமித் ஷா, ஜக்தீப் தன்கர் உடல்நிலை காரணமாகவே பதவி விலகியதாகவும், இது தொடர்பாக தேவையற்ற விமர்சனங்கள் எழுப்பப்படுவதாகவும் கூறியிருந்தார். அவரின் பேட்டி இன்று வெளியானதிலேயே இதைத் தெரிவித்துள்ளார். எனினும், இந்த விளக்கம் அரசியல் பார்வையாளர்களின் சந்தேகங்களை இன்னும் தெளிவுபடுத்தவில்லை என்பது குறிப்பிடத்தக்கது.
அமித் ஷாவின் கருத்துக்கு பதிலளித்த காங்கிரஸ் மூத்த தலைவர் ஜெய்ராம் ரமேஷ், இது மேலும் மர்மங்களை கூட்டி இருப்பதாக விமர்சித்துள்ளார். அவர் தனது எக்ஸ் (முந்தைய ட்விட்டர்) பதிவில், “அமித் ஷா சொல்வதைவிட கூறாதவை அதிகம் முக்கியம். அவரின் விளக்கம் முழுமையல்ல, மேலும் குழப்பத்தை உருவாக்குகிறது” என குறிப்பிட்டார். மேலும், ஜக்தீப் தன்கரை நேரடியாக தொடர்பு கொள்ள முடியாத நிலைபாடும் மிக கவலைக்குரியது என்றார்.
இந்த விவகாரம் தற்போது இந்திய அரசியலில் பெரும் பேசுபொருளாக இருக்கிறது. எதிர்வரும் செப்டம்பர் 9ம் தேதி துணை ஜனாதிபதி தேர்தல் நடைபெற இருக்க, அதற்கான பின்னணி சூழ்நிலையைப் பற்றியும் சந்தேகங்கள் எழுகின்றன. கடந்த காலங்களில் ஒரு துணை ஜனாதிபதி இவ்வாறு திடீரென ராஜினாமா செய்துள்ள நிகழ்வு இல்லாததால், இது பலரது கவனத்தை ஈர்த்துள்ளது.
