சிம்லா: இமாச்சல பிரதேசத்தில் கடந்த சில நாட்களாக குலு, மண்டி மற்றும் சிம்லா பகுதிகளில் கனமழை பெய்து வருகிறது. சில இடங்களில் மேக வெடிப்பு ஏற்பட்டது. வெள்ளத்தால் பல கிராமங்கள் கடுமையாக பாதிக்கப்பட்டுள்ளன. 60க்கும் மேற்பட்ட வீடுகள் வெள்ளத்தில் அடித்துச் செல்லப்பட்டன. வெள்ளத்தில் சிக்கி உயிரிழந்த 6 பேரின் உடல்கள் இதுவரை மீட்கப்பட்டுள்ளன.
வெள்ளத்தால் கடுமையாக பாதிக்கப்பட்ட சமாஜ் கிராமத்தைச் சேர்ந்த அனிதா தேவி கூறுகையில், “நாங்கள் இரவில் தூங்கிக் கொண்டிருந்தோம். அப்போது திடீரென பயங்கர சத்தம் கேட்டு வீடு குலுங்கியது. வெளியே பார்த்தபோது கிராமமே வெள்ளத்தில் மூழ்கியது.
அதன்பின், உடனடியாக வீட்டை விட்டு வெளியே வந்து, அருகில் உள்ள பகவதி காளி கோவிலில் தஞ்சம் அடைந்தோம். இரவு முழுவதும் அங்கேயே இருந்தோம். எங்கள் வீடு மட்டும் பிழைத்தது. எங்கள் கிராமத்தில் உள்ள அனைத்து வீடுகளும் என் கண்முன்னே அடித்துச் செல்லப்பட்டன.
