புது டெல்லி: 2023-ம் ஆண்டில் அமெரிக்க ஹிண்டன்பர்க் ஆராய்ச்சி நிறுவனத்தால் அதானி குழுமம் பங்குச் சந்தையில் முறைகேடுகள் செய்ததாக குற்றம் சாட்டப்பட்டது. இதன் காரணமாக, அதானி குழுமத்தின் பங்குகள் சரிந்தன. இந்தியப் பத்திரங்கள் மற்றும் பரிவர்த்தனை வாரியம் (செபி) இந்த விஷயத்தில் விசாரணை நடத்தியது.
இரண்டு வருட விசாரணைக்குப் பிறகு, அதானி குழுமத்திற்கு எதிரான குற்றச்சாட்டுகளுக்கு போதுமான அடிப்படை இல்லை என்று செபி சில நாட்களுக்கு முன்பு கூறியிருந்தது. அதானி குழுமத் தலைவர் கௌதம் அதானி ஒரு அறிக்கையில் கூறியதாவது:-
“ஹிண்டன்பர்க் ஆராய்ச்சி நிறுவனத்தின் தவறான தகவல்களால், உலகம் எங்கள் குழுவைப் பற்றி விவாதித்து வந்தது. இதற்கிடையில், எங்கள் துறைகள் விரிவடைந்தன, எங்கள் மின் உற்பத்தி நிலையங்கள் தடையின்றி செயல்பட்டன. அனைத்து நிறுவனங்களும் தொடர்ந்து முன்னேறின. ஊழியர்களின் ஒத்துழைப்பு இதில் மிக முக்கிய பங்கு வகித்தது.
பல்வேறு சவால்கள் இருந்தபோதிலும் எங்கள் குழு தனது செயல்பாடுகளை சிறப்பாகச் செய்யும் திறன் அதன் உண்மையான தன்மையை வெளிப்படுத்தியுள்ளது. இந்த சூழ்நிலையில், ஹிண்டன்பர்க் நிறுவனம் கூறிய அனைத்து குற்றச்சாட்டுகளையும் செபி நிராகரித்துள்ளது. இதன் மூலம், கடந்த 2 ஆண்டுகளாக அதானி குழுமத்தின் மீது தொங்கிக் கொண்டிருந்த மேகங்கள் நீங்கியுள்ளன. இப்போது அதானி குழுமம் அடுத்த கட்ட வளர்ச்சியை நோக்கி பயணிக்கும். இவ்வாறு அவர் கூறினார்.
