புதுடில்லி: லோக்சபா எதிர்க்கட்சி தலைவர் ராகுல் காந்தி சமீபத்தில் பிரதமர் மோடியை விமர்சித்து, “டிரம்பை பார்த்து மோடி பயப்படுகிறார்” என்று X வலைதளத்தில் பதிவு வெளியிட்டிருந்தார். இதனை அமெரிக்க பிரபல நடிகை மற்றும் பாடகரான மேரி மில்பென் கடுமையாக மறுத்துள்ளார்.
மேரி மில்பன் தனது பதிவில், “நீங்கள் சொல்வது தவறு ராகுல். பிரதமர் மோடி டிரம்பை பார்த்து பயப்படவில்லை. அவர் அமெரிக்காவின் விளையாட்டையும், அரசியலையும் புரிந்து, இந்தியாவுக்கே சிறந்ததை செய்கிறார்” என்று தெரிவித்துள்ளார். இவர் இந்திய–அமெரிக்க உறவுகளில் மோடியின் பங்கு மற்றும் தலைமை திறனையும் பாராட்டியுள்ளார்.
மேரி மில்பன் முன்னதாக இந்திய தேசிய கீதம் பாடி, பிரதமர் மோடியின் ஆசிர்வாதம் பெற்ற அனுபவம் இணையத்தில் வைரலாகி ரசிகர்களிடம் பெரும் வரவேற்பு பெற்றது. இவர் தொடர்ந்து, “ராகுல் மீண்டும் இந்தியாவை விமர்சித்து பிரசாரம் செய்யலாம், ஆனால் உண்மையில் ஒரே பார்வையாளர் நீங்கள் தான்” என்று கிண்டல் செய்துள்ளார்.
இந்த நிகழ்வு சமூக வலைதளங்களில் பரவி, ராகுலின் விமர்சனத்துக்கு எதிராக நெட்டிசன்கள் பலர் ஆதரவு தெரிவித்து வருகிறார்கள்.
