சென்னை: மறைந்த மூத்த சின்னத்திரை நடிகர் எஸ்.ஸ்ரீதரன் முதலாமாண்டு நினைவு தினத்தை முன்னிட்டு ஆர்.எம்.டி. ஸ்பெஷாலிஸ்ட்டி மருத்துவமனை சார்பில் இலவச மருத்துவ முகாம் வரும் ஏப்.4 மற்றும் 5ம் தேதி ஆகிய 2 நாட்கள் நடக்கிறது
சின்னத்திரையில் பரிச்சயமானவர் மூத்த நடிகரான ஶ்ரீதர். விஜய் டிவியில் ஒளிபரப்பான ‘செல்லம்மா’ தொடரில் இவர் நடித்திருந்தார். ஜீ தமிழில் ‘வள்ளியின் வேலன்’ தொடரிலும் நடித்துள்ளார்.
குழந்தை நட்சத்திரமாக அறிமுகமான இவர் ‘அழியாத கோலங்கள்’ உட்பட பல திரைப்படங்களில் நடித்திருக்கிறார். தமிழ், மலையாளம் இரண்டிலும் கவனம் செலுத்தியவர் பின் வந்த நாட்களில் தொலைக்காட்சி தொடர் பக்கம் தன் கவனத்தை செலுத்தினார். கே பாலச்சந்தர் தொடரிலும் இவர் நடித்திருந்தார். இவர் நடித்திருந்த ‘சஹானா’ தொடர் இவருக்கு மிகப்பெரிய பெயரைப் பெற்றுத் தந்தது. இதையடுத்து ‘சஹானா’ ஶ்ரீதர் என்கிற பெயரும் இவருக்கு கிடைத்தது. கடந்தாண்டு திடீரென மாரடைப்பு ஏற்பட்டு ஶ்ரீதர் இயற்கை எய்தினார்.
இவரது முதலாமாண்டு நினைவு தினத்தை ஒட்டி சென்னை நினைவாக, ஆர்.எம்.டி சிறப்பு மருத்துவமனை சார்பில் வரும் ஏப்.5ம் தேதி அன்று அசோக் நகர் கிளையில் இலவச மருத்துவ முகாம் நடக்கிறது. இந்த முகாமில் ஊடகம், ஒளியியல் பணியாளர்கள், நடன கலைஞர்கள், சின்னத்திரை கலைஞர்களின் குடும்பங்கள் கலந்து கொண்டு பயன் பெற கேட்டுக் கொள்ளப்பட்டுள்ளனர்.
இந்த மருத்துவமுகாமில் மகளிர் மருத்துவம், எலும்பியல், இரத்த நாள அறுவை சிகிச்சை, நீரிழிவு நோய், பல் மருத்துவம், கண் மருத்துவம், உடற்பயிற்சி சிகிச்சை போன்றவை இலவசமாக அளிக்கப்பட உள்ளது. இந்த மருத்துவ முகாம் ஆண்டுதோறும் தொடரும் முன்னெடுப்பாக இருக்கும். காலை 10 மணி முதல் மதியம் 2 மணி வரை இந்த மருத்துவ முகாம் நடக்கிறது.
மருந்துகளுக்கு 15% தள்ளுபடி, ஆய்வக பரிசோதனைகளுக்கு 20% தள்ளுபடி உண்டு. இடம்: நம்பர்.2, ராகவா காலனி, அசோக் நகர், சென்னை-600083. மேலும் விவரங்களுக்கு: www.rmdspecialities.com என்ற இணைய தளத்திலும் தெரிந்து கொள்ளலாம். இத்தகவலை டாக்டர் ரிபப்ளிகா ஸ்ரீதர் தெரிவித்துள்ளார்.
