திருச்செந்தூர்: திருச்செந்தூர் சுப்ரமணிய சுவாமி கோயிலில் புரட்டாசி அமாவாசையை முன்னிட்டு லட்சக்கணக்கான பக்தர்கள் சுவாமி தரிசனம் செய்தனர்.
கடந்த சில ஆண்டுகளாக தமிழ் மாதங்களில் ஒவ்வொரு பௌர்ணமி தினத்திலும் பக்தர்கள் கூட்டம் அதிகரித்து வருகிறது. அன்று இரவு கடற்கரையில் தங்கி, அதிகாலையில் கிணறு மற்றும் கடலில் புனித நீராடி முருகப்பெருமானை தரிசிப்பார்கள்.
பௌர்ணமி இரவில் தரிசனம் செய்ய வரும் பக்தர்களின் எண்ணிக்கை நாளுக்கு நாள் அதிகரித்துக் கொண்டே செல்கிறது. இந்த ஆண்டு கடந்த சித்ரா பௌர்ணமி தொடங்கி வைகாசி, ஆனி, ஆடி, ஆவணி மாதங்களில் லட்சக்கணக்கான பக்தர்கள் சுவாமி தரிசனம் செய்தனர்.
புரட்டாசி மாதமான நேற்று இரவு 11.22 மணிக்கு தொடங்கிய பௌர்ணமி இன்று (18-ம் தேதி) காலை 9.04 மணி வரை நீடித்தது. மேலும் மிலாடி நபி அரசு விடுமுறை என்பதால் நேற்று மாலையே பக்தர்கள் திருச்செந்தூருக்கு வரத் தொடங்கினர். நேற்று அதிகாலை முதலே பஸ், ரயில், கார், வேன்களில் பக்தர்கள் குவியத் தொடங்கினர்.
நேற்று அதிகாலை 5 மணிக்கு திறக்கப்பட்டு விஸ்வரூபம், உதயமார்த்தாண்ட அபிஷேகம், கால பூஜை நடந்தது. இலவச பொது தரிசனம், சிறப்பு கட்டண தரிசனம் ரூ.100, மூத்த குடிமக்கள் வழித்தடத்தில் அதிகாலை முதலே பக்தர்கள் கடல் மற்றும் கிணறுகளில் பல மணி நேரம் நீண்ட வரிசையில் காத்திருந்தனர்.
இன்று மாலை முதல் அதிகாலை வரை நிலவு வெளிச்சத்தில் கடற்கரையில் லட்சக்கணக்கான பக்தர்கள் தங்கியிருந்தனர். இன்று அதிகாலை முதல் கிணறு மற்றும் கடலில் புனித நீராடி நீண்ட வரிசையில் சுவாமியை வழிபட்டனர்.
இதனால் கோவில் வளாகம் மட்டுமின்றி கடற்கரையும் பக்தர்களால் நிரம்பி வழிந்தது. மேலும் பக்தர்கள் சிரமமின்றி தரிசனம் செய்ய வரிசைகள் அமைக்கப்பட்டன. திருச்செந்தூர் டிஎஸ்பி வசந்தராஜ் தலைமையில் நூற்றுக்கணக்கான போலீசார் குவிக்கப்பட்டனர்.
