உலக சுகாதார அமைப்பின் கூற்றுப்படி, புற்றுநோயால் ஆண்டுக்கு ஒரு மில்லியன் இறப்புகள் ஏற்படுகின்றன. குறிப்பாக, மார்பகம், நுரையீரல், பெருங்குடல், மலக்குடல் மற்றும் புரோஸ்டேட் புற்றுநோய்களால் அதிகம் பேர் பாதிக்கப்படுகின்றனர்.
)
புற்றுநோய் இறப்புகளில் மூன்றில் ஒரு பங்கு புகையிலை பயன்பாடு, அதிக எடை, மது அருந்துதல், குறைந்த பழங்கள் மற்றும் காய்கறிகளை உட்கொள்வது மற்றும் உடல் செயலற்ற தன்மை உள்ளிட்ட காரணிகளால் ஏற்படுகிறது. மேலும், காற்று மாசுபாடு நுரையீரல் புற்றுநோய்க்கான முக்கிய காரணமாக கருதப்படுகிறது.
2022ல் உலகம் முழுவதும் 22 லட்சத்து 60 ஆயிரத்துக்கும் மேற்பட்ட பெண்கள் மார்பக புற்றுநோயால் பாதிக்கப்படுவார்கள். அதற்கு அடுத்தபடியாக 22 லட்சத்து 10 ஆயிரத்துக்கும் மேற்பட்டோர் நுரையீரல் புற்றுநோயால் பாதிக்கப்பட்டுள்ளதாக ஆய்வுகள் கூறுகின்றன.
பெருங்குடல் மற்றும் மலக்குடல் புற்றுநோயால் சுமார் 19 லட்சம் பேரும், புரோஸ்டேட் புற்றுநோயால் 14 லட்சத்துக்கும் அதிகமானோர் பாதிக்கப்பட்டுள்ளனர். 10 லட்சத்துக்கும் அதிகமானோர் தோல் புற்றுநோய் மற்றும் வயிற்றுப் புற்றுநோயால் பாதிக்கப்பட்டுள்ளனர்.
ஓராண்டில் 18 லட்சத்துக்கும் அதிகமானோர் நுரையீரல் புற்றுநோயாலும், 9 லட்சத்துக்கும் அதிகமானோர் பெருங்குடல் மற்றும் மலக்குடல் புற்றுநோயாலும் உயிரிழந்துள்ளனர்.
கல்லீரல் புற்றுநோயால் 8 லட்சத்து 30 ஆயிரத்துக்கும் மேற்பட்டோர் உயிரிழந்துள்ளதாகவும், வயிற்றில் புற்றுநோயால் 7 லட்சத்து 69 ஆயிரம் பேர் உயிரிழந்துள்ளதாகவும் புள்ளி விவரங்கள் தெரிவிக்கின்றன. ஒவ்வொரு ஆண்டும் சுமார் 4 லட்சம் குழந்தைகள் புற்றுநோயால் பாதிக்கப்படுவதாக உலக சுகாதார நிறுவனம் தெரிவித்துள்ளது.
