புதுடெல்லி: மழைநீர் சேகரிப்புக்கு முக்கியத்துவம் அளிக்கும் வகையில், நாடு முழுவதும் 10 லட்சம் இடங்களில் தடுப்பணைகள் மற்றும் நீர் சேகரிப்பு கிணறுகள் அமைக்க மத்திய அரசு திட்டமிட்டுள்ளது. பருவமழை காலத்தில் நல்ல மழை பெய்தால், கோடை காலத்தில் தண்ணீர் தேங்காததால் குடிநீர் தட்டுப்பாடு ஏற்படும்.
இதனை போக்க மத்திய, மாநில அரசுகள் தண்ணீரை சேமிக்க பல்வேறு நடவடிக்கைகளை எடுத்து வருகின்றன.
இதன் ஒரு பகுதியாக, மழைநீர் சேகரிப்பு கட்டமைப்புகளை உருவாக்க, ‘ஜல் சஞ்சய் ஜன் பகிதாரி’ திட்டத்தை, குஜராத்தில், பிரதமர் மோடி, கடந்த மாதம் துவக்கி வைத்தார். இத்திட்டத்தின்படி, மழைநீரை சேகரிக்க ஒவ்வொரு கிராமத்திலும் 5 மழைநீர் சேகரிப்பு திட்டங்கள் இலக்கு அமைக்கப்பட்டது. மாநகராட்சி பகுதிகளில் 10 ஆயிரம் இடங்களில் மழைநீர் சேகரிப்பு அமைக்க திட்டமிடப்பட்டுள்ளது.
குஜராத்தில் இத்திட்டம் வெற்றி பெற்றதால், நாடு முழுவதும் விரிவுபடுத்த மத்திய அரசு திட்டமிட்டுள்ளது. இதன்படி, அணைகள், கிணறுகள் போன்றவற்றின் மூலம், 10 லட்சம் இடங்களில் மழைநீர் சேகரிப்பு கட்டமைப்புகள் உருவாக்கப்படும்.
மழைநீர் சேகரிப்பு என்பது, அரசு மற்றும் அரசு சாரா நிறுவனங்கள், தொழில்துறை, தன்னார்வ தொண்டு நிறுவனங்கள், பொது அமைப்புகளின் கூட்டு முயற்சி என, நீர்வளத்துறை அமைச்சக அதிகாரி ஒருவர் தெரிவித்தார். இது எதிர்காலத்தில் நீர் சேமிப்பை உறுதி செய்யும். ஒவ்வொரு சொட்டு மழைநீரும் சேமிக்கப்படுவதை உறுதி செய்ய அனைத்து அரசுகளும் சமூகங்களும் ஒன்றிணைந்து செயல்படும்.
