வாஷிங்டன்: அமெரிக்க அதிபர் தேர்தலில் டொனால்டு டிரம்ப் வெற்றி பெறுவார் என பொருளாதார நிபுணர் கிறிஸ்டோப் பராட் கூறியுள்ளார். உலகின் மிகத் துல்லியமான பொருளாதார நிபுணர் என்று அழைக்கப்படும் பிரபல பொருளாதார நிபுணர் கிறிஸ்டோப் பராத், ஒவ்வொரு அமெரிக்க அதிபர் தேர்தலிலும் பொதுமக்களால் அதிகம் பார்க்கப்படும் கருத்துக் கணிப்புகளை வெளியிடுகிறார்.
அமெரிக்க அதிபர் தேர்தல் வரும் 5-ம் தேதி நடைபெறுகிறது. இந்நிலையில், வரும் தேர்தலில் டொனால்ட் டிரம்ப் வெற்றி பெற்று அதிபராக வருவார் என உலகின் மிகத் துல்லியமான பொருளாதார நிபுணர் கிறிஸ்டோப் பராட் கணித்துள்ளார். அமெரிக்க மக்களின் மனநிலை, சந்தை நிலவரம், உள்ளூர் பொருளாதாரம், மாகாணங்களில் நிலவும் சூழ்நிலை ஆகியவற்றின் அடிப்படையில் அதிபர் தேர்தலில் போட்டியிடும் வேட்பாளர்களின் வெற்றி தோல்வி கணிக்கப்படுகிறது. இதுகுறித்து பிரபல பொருளாதார நிபுணர் கிறிஸ்டோப் பராட் தனது எக்ஸ் தளத்தில் கூறியதாவது:-
அமெரிக்க சந்தைகள், கருத்துக்கணிப்புகள், தேர்தல் மாதிரிகள் என பல்வேறு அளவீடுகளை பார்க்கும் போது, தற்போதைய நிலவரப்படி, அதிபர் தேர்தலில் டொனால்டு டிரம்ப் வெற்றி பெற அதிக வாய்ப்பு உள்ளது. டிரம்ப் அதிக வாக்கு வித்தியாசத்தில் வெற்றி பெறுவார். இவ்வாறு அவர் கூறினார்.
அமெரிக்க அதிபர் தேர்தலில் குடியரசு கட்சி சார்பில் டொனால்ட் டிரம்ப் மற்றும் கமலா ஹாரிஸ் ஆகியோர் போட்டியிடுகின்றனர் என்பது குறிப்பிடத்தக்கது. ட்ரம்ப் வெற்றி பெறுவார் என கிறிஸ்டோபர் பாரெட் கூறி வரும் நிலையில், கடந்த 10 அமெரிக்க அதிபர் தேர்தல்களில் 9 தேர்தல்களை துல்லியமாக கணித்த பிரபல வரலாற்றாசிரியர் ஆலன் லிக்ட்மேன், இந்த தேர்தலில் கமலா ஹாரிஸ் வெற்றி பெறுவார் என கணித்துள்ளார். அவர் மேலும் கூறியதாவது:-
இந்த ஜனாதிபதி தேர்தலில் பெரிய ஆச்சரியமான முடிவுகள் எதுவும் இருக்காது. கமலா ஹாரிஸ் வெற்றி பெறுவார் என்று பலர் நினைக்கிறார்கள். அதுதான் நடக்கப் போகிறது. தேர்தலுக்கு முந்தைய இறுதி வாரங்களில் எதிர்பாராத எந்த ஒரு நிகழ்வும் முடிவை மாற்ற வாய்ப்பில்லை.
தேர்தல் கருத்துக்கணிப்பில் முன்னாள் அதிபர் டொனால்ட் டிரம்பை விட துணை ஜனாதிபதி கமலா ஹாரிஸ் அதிக புள்ளிகள் பெற்றுள்ளார், மேலும் அவர் வெற்றி பெற வாய்ப்புள்ளது. இதை ஆலன் லிக்ட்மேன் கணித்தார்.
