சென்னை: இயக்குனர் ராஜ்குமார் பெரியசாமி நடிகர் விஜயை நேரில் சந்தித்துள்ளார். அப்போது எடுத்துக் கொண்ட புகைப்படத்தை அவரது எக்ஸ் தளத்தில் பதிவிட்டுள்ளார்.
சிவகார்த்திகேயன் நடிப்பில் ராஜ்குமார் பெரியசாமி இயக்கத்தில் கடந்த மாதம் வெளியான திரைப்படம் அமரன். இப்படம் மக்களிடையே மிகப்பெரிய வரவேற்பை பெற்று மெகா ப்ளாக்பஸ்டர் திரைப்படமாக அமைந்தது.
திரைப்படம் இதுவரை 300 கோடி ரூபாய்க்கு மேல் வசூலித்துள்ளது. இயக்குனர் ராஜ்குமார் பெரியசாமி அமரன் வெற்றியை தொடர்ந்து நடிகர் தனுஷ் நடிப்பில் படத்தை இயக்கவுள்ளார். இப்படத்தை கோபுரம் பிலிம்ஸ் தயாரிப்பு நிறுவனம் தயாரிக்கவுள்ளது.
இந்நிலையில் ராஜ்குமார் பெரியசாமி நடிகர் விஜயை நேரில் சந்தித்துள்ளார். அப்போது எடுத்துக் கொண்ட புகைப்படத்தை அவரது எக்ஸ் தளத்தில் பதிவிட்டுள்ளார். அமரன் திரைப்படத்தின் வெற்றியை பாராட்டியுள்ளார் என்பது குறிப்பிடத்தக்கது.
ராஜ்குமார் பெரியசாமி இப்பொழுது எடுத்த புகைப்படத்துடன் 12 வருடங்களுக்குமுன் விஜய் உடன் எடுத்துக் கொண்ட புகைப்படத்தை பதிவிட்டுள்ளார். அப்பதிவில் ” ஐ லவ் யூ விஜய் சார். தேங்க் யூ, உங்களுக்காக நான் இறைவனிடம் தினமும் வேண்டிக்கொள்வேன். கடவுள் உங்களை ஆசிர்வதிப்பார். இந்த புகைப்படத்திற்கும் , முன்னாள் எடுத்த புகைப்படத்திற்கும் 12 வருஷம். 2 மாசம், 1 நாள், 15 மணி நேரம் ஆகியுள்ளது என குறிப்பிட்டுள்ளார்.
