ராமேஸ்வரம்: தமிழக மீனவர்கள் 16 பேரை இலங்கை கடற்படையினர் கைது செய்துள்ளனர். எல்லை தாண்டி மீன்பிடித்ததாக தமிழக மீனவர்கள் 16 பேரை இலங்கை கடற்படையினர் கைது செய்துள்ளனர். நெடுந்தீவு அருகே மீன்பிடித்துக் கொண்டிருந்த போதே இவர்கள் கைது செய்யப்பட்டதாக தெரிவிக்கப்பட்டுள்ளது.
16 மீனவர்களுடன் 2 மோட்டார் படகுகளை இலங்கை கடற்படை சிறைபிடித்துள்ளது. கைது செய்யப்பட்ட 16 மீனவர்களையும் காங்கேசன் கடற்படை முகாமுக்கு அழைத்துச் செல்ல திட்டமிடப்பட்டுள்ளது. இலங்கை கடற்படையினரின் தொடர் அத்துமீறல்களால் தமிழக மீனவர்கள் கவலையடைந்துள்ளனர். இதுபோன்ற கைதுகளை தடுக்க அரசு பல முயற்சிகளை மேற்கொண்டு வருகிறது.
ஆனால், இந்த சம்பவம் அவ்வப்போது நடந்து வருகிறது. அந்த வகையில் தமிழக மீனவர்கள் 16 பேர் கைது செய்யப்பட்டுள்ளனர். ராமேஸ்வரத்தை சேர்ந்த 16 மீனவர்கள் 2 மோட்டார் படகுகளில் மீன்பிடிக்க கடலுக்கு சென்றனர். தனுஷ்கோடி – தலைமன்னார் இடையே கடலில் மீன்பிடித்துக் கொண்டிருந்தனர். அப்போது அங்கு வந்த இலங்கை கடற்படையினர், எல்லை தாண்டி மீன் பிடித்ததாக 16 மீனவர்களை கைது செய்தனர்.
மேலும் அவர்களது இரு படகுகளையும் பறிமுதல் செய்தனர். இலங்கை கடற்படையினரின் தொடர் கைது மீனவர்கள் மத்தியில் அச்சத்தை ஏற்படுத்தியுள்ளது. இலங்கை கடற்படையினரால் கைது செய்யப்பட்டுள்ள ராமேஸ்வரம் மீனவர்களை உடனடியாக விடுவிக்க அரசு உரிய நடவடிக்கை எடுக்க வேண்டும் என மீனவர்களின் உறவினர்கள் கோரிக்கை விடுத்துள்ளனர்.
