‘தி ரைஸ் ஆஃப் அசோகா’ திரைப்படம் தமிழ், தெலுங்கு மற்றும் கன்னட மொழிகளில் தயாராகிறது. வினோத் டோண்டேலே இயக்கும் இதில் ‘லூசியா’ படத்தின் மூலம் பிரபலமான சதீஷ் நீனாசம் முக்கிய வேடத்தில் நடிக்கிறார். அவருடன் பி. சுரேஷ், அச்சுத் குமார், கோபால கிருஷ்ண தேஷ்பாண்டே, சம்பத் மைத்ரேயா மற்றும் பலர் முக்கிய வேடத்தில் நடிக்கின்றனர்.
லவித் ஒளிப்பதிவு செய்கிறார். பூரணசந்திர தேஜஸ்வி இசையமைக்கிறார். விருத்தி கிரியேஷன் மற்றும் சதீஷ் பிக்சர்ஸ் ஹவுஸ் சார்பாக வர்தன் நரஹரி, ஜெய்ஷ்ணவி மற்றும் சதீஷ் நீனாசம் ஆகியோர் இணைந்து படத்தைத் தயாரிக்கிறார்கள். படக்குழு அதன் மோஷன் போஸ்டரை வெளியிட்டுள்ளது. அதில், ஹீரோ சதீஷ் நீனாசம் முரட்டுத்தனமான தோற்றத்தில் கத்தியை ஏந்தியபடி இருப்பது போன்ற காட்சிகள் இணையத்தில் நல்ல வரவேற்பைப் பெற்றுள்ளன.
