சென்னை: சென்னையில் இன்று சில்லறை விற்பனை சந்தையில் பவுனுக்கு ரூ.440 அதிகரித்துள்ளது. சர்வதேசப் பொருளாதாரச் சூழலுக்கு ஏற்ப தங்கம் விலை ஏற்றமும் இறக்கமும் இருந்து வருகிறது. கடந்த மாதம் 29-ம் தேதி முதல் தங்கம் விலை உயர்ந்து வருகிறது. ஜனவரி 31-ம் தேதி ஒரு பவுன் ஆபரணத் தங்கம் ரூ. 61 ஆயிரமாகவும், பிப்ரவரி 1-ம் தேதி ரூ. 62 ஆயிரத்தையும் தாண்டியது. தங்கம் விலை நாளுக்கு நாள் உயர்ந்து புதிய உச்சத்தை தொட்டு வருகிறது. குறிப்பாக பிப்ரவரி 11-ம் தேதி ஒரு பவுன் தங்கம் ரூ. 64,480 ஆகவும், பிப்ரவரி 20-ம் தேதி ரூ. 64,560 ஆகவும் உயர்ந்தது.
இதன்பிறகு சற்று விலை குறைந்தாலும் பிப்ரவரி 25-ம் தேதி ஒரு பவுன் தங்கம் ரூ. 64,600, புதிய உச்சத்தை பதிவு செய்தது. இதற்கிடையில், பிப்ரவரி 26 முதல் தங்கத்தின் விலை ரூ.1000 வரை சரிந்தது. இந்நிலையில், சென்னையில் இன்று சில்லறை விற்பனை சந்தையில் 1 கிராம் தங்கத்தின் விலை ரூ. 55 அதிகரித்து ரூ. 8,065 ஆகவும், ஒரு பவுன் விலை ரூ. 440 உயர்ந்து ஒரு பவுண்டுக்கு ரூ.64,520 ஆகவும் உள்ளது. இதேபோல், 1 கிராம் 24 காரட் சுத்தமான தங்கம் ரூ. 8,798. வெள்ளி விலையில் இன்று எந்த மாற்றமும் இல்லை. 1 கிராம் வெள்ளியின் விலை ரூ. 107 ஆகவும், ஒரு கிலோ வெள்ளி ரூ. 1,07,000 ஆகவும் விற்பனை ஆகிறது.
