சென்னை: ஸ்டுடியோ கிரீன் புரொடக்ஷன் நிறுவனம் ‘கங்குவா’ படத்தைத் தயாரித்துள்ளது. இந்தப் படத்தில் சூர்யா, பாபி தியோல், திஷா பதானி உள்ளிட்ட பலர் நடித்துள்ளனர். தேவி ஸ்ரீ பிரசாத் இசையமைத்துள்ள இப்படம் இந்தியாவில் பல்வேறு மொழிகளில் வெளியாகவுள்ளது. ‘கங்குவா’ திரைப்படம் நவம்பர் 14-ம் தேதி வெளியாகிறது.
இந்நிலையில் இந்த படத்தின் சிறப்பு காட்சிகளை திரையிட தமிழக அரசு அனுமதி வழங்க வேண்டும் என படத்தின் தயாரிப்பு நிறுவனம் சார்பில் கோரிக்கை விடுக்கப்பட்டது. இதையடுத்து, ‘கங்குவா’ திரைப்படம் வெளியாகும் நாளான நவம்பர் 14-ம் தேதி காலை 9 மணி முதல் மதியம் 2 மணி வரை 5 காட்சிகளை திரையிட தமிழக அரசு அனுமதி அளித்துள்ளது.
