மத்தி மீனின் தோல் வெளிர் வெள்ளை நிறத்தில் இருக்கும், மேலும் அதன் முதுகு பகுதி கரும்பச்சை நிறத்தில் காணப்படுகிறது. இது அதிகப்பட்சமாக கை அங்குலம் வரை வளர்ந்தாலும், பார்பதற்கு சூடை மீன் போன்ற தோற்றம் கொண்டது. இந்த மீன், கேரளா, ஆந்திரா மற்றும் கர்நாடகா போன்ற மாநிலங்களில் மிகவும் பிரபலமானது மற்றும் அங்கு மக்கள் விரும்பி உண்ணும் மீன் வகைகளில் ஒன்றாக உள்ளது.
மத்தி மீன், மீனவர்கள் வாழ்வாதாரத்தை மேம்படுத்தும் மீன் என்று கூறப்படுகிறது. இது தட்டுப்பாடில்லாமல், அனைத்து காலங்களிலும் கிடைக்கின்றது. ஆழ்கடலில் வாழாமல், கரையோரப்பகுதிகளில் தான் அதிகமாக வாழ்கின்றது. பட்ஜெட் விலையில், அதாவது கிலோ ரூ.50 க்கும் குறைவாக கிடைக்கும் இந்த மீன், தனது சுவையுடன் அனைவரும் விரும்பி சாப்பிடும் ஒரு உணவாக மாறியுள்ளது.
மத்தி மீனின் மருத்துவ குணங்களையும் பற்றி கூறப்பட்டு வருகிறது. இது ஒமேகா-3 பேட்டி ஆசிட் அதிகமாக உள்ள மீன் வகையாகும். கால்சியம், புரோட்டின், நல்ல கொழுப்பு மற்றும் வைட்டமின் டி போன்ற ஊட்டச்சத்துக்களும் இதில் உள்ளன. இதயத்தை பாதுகாப்பதில் முக்கிய பங்கு வகிக்கிறது, மேலும் வயதான காலங்களில் இதயநோய்களை தடுக்கும் திறனும் கொண்டது. ஒமேகா-3 பேட்டி ஆசிட் கெட்ட கொலஸ்ட்ராலை குறைத்து, நல்ல கொலஸ்ட்ராலை அதிகரிக்கும்.
மேலும், மத்தி மீனில் ஃபோலேட், செனிலியம், பாஸ்பரஸ் மற்றும் வைட்டமின் பி12 போன்ற சத்துக்கள் அதிகம் உள்ளன. இதனால் இரத்த ஓட்டம் அதிகரித்து, உடல் உறுப்புகளுக்கு இரத்த ஓட்டம் சீராகவே வழங்கப்படுகின்றது. இதனால் இரத்தம் உறைதல் போன்ற பாதிப்புகள் ஏற்படாமல் தடுக்கும். கண்பார்வை பாதிப்புகளைத் தடுக்கவும் இந்த மீனின் பயன் காணப்படுகிறது.
நல்ல சுவை கொண்ட இந்த மீனை வாரம் இரு முறை சாப்பிடுவது, உடல் ஆரோக்கியத்தை மேம்படுத்த உதவும். குழம்பு மற்றும் பொறியல் செய்து சாப்பிடுவது, அதனுடைய சுவையை மேலும் விரும்பத் தூண்டுகிறது.
