குக் வித் கோமாளி அடுத்த சீசனில் பங்கேற்க பிக்பாஸ் தினேசிடம் பேச்சுவார்த்தை
சென்னை: குக் வித் கோமாளி அடுத்த சீசனில் பங்கேற்க பிக்பாஸ் பிரபலம் தினேஷிடம் பேச்சுவார்த்தை நடத்தப்படுகிறதாம்.
விஜய் டிவியில் விரைவில் குக் வித் கோமாளியின் அடுத்த சீசன் தொடங்க இருக்கிறது. பல மாதங்கள் தாமதமாக இந்த 5ம் சீசன் தொடங்கினாலும் பல்வேறு விஷயங்களை ரசிகர்களை ஈர்க்க செய்து வருகிறது டிவி சேனல்.
ப்ரோமோவுக்கே தனி விமானத்தில் நடுவர்கள் வந்து இறங்குவது போல எடுத்து இருந்தனர். புது நடுவராக நடிகரும் பிரபல தொழிலதிபரும், சமையல் கலைஞருமான மாதம்பட்டி ரங்கராஜ் வந்திருக்கிறார்.
CWC 5ல் போட்டியாளர்களாக விடிவி கணேஷ், திவ்யா துரைசாமி, youtube பிரபலம் இர்பான், இசையமைப்பாளர் ஸ்ரீகாந்த் தேவா உள்ளிட்ட பலர் வர இருக்கின்றனர்.
மேலும் பிக்பாஸ் 7ம் சீசனில் போட்டியாளர்களாக வந்த தினேஷ் மற்றும் பூர்ணிமா ஆகியோர் உடன் பேச்சுவார்த்தை நடந்து வருகிறதாம்.
