சென்னை: ஐசிசி தலைவராக போட்டியின்றி தேர்வு செய்யப்பட்ட சிறந்த பேட்ஸ்மேன், பந்துவீச்சாளர், விக்கெட் கீப்பர், பீல்டர் மற்றும் அல்டிமேட் ஆல்ரவுண்டர் ஆகியோரை பாராட்டி வாழ்த்துவோம் என நடிகர் பிரகாஷ் ராஜ் தனது பதிவில் தெரிவித்துள்ளார்.
அவரது கருத்து ஜெய் ஷாவை விமர்சிக்கும் வகையில் இருந்தது. ஐசிசி தலைவரை தேர்வு செய்த ஜெய் ஷாவுக்கு இந்திய கிரிக்கெட் வீரர் விராட் கோலி எக்ஸ் தளத்தில் வாழ்த்து தெரிவித்துள்ளார். இவ்வாறு அந்த பதிவில் பிரகாஷ் ராஜ் கூறியுள்ளார்.
35 வயதான ஜெய் ஷா 2019 முதல் பிசிசிஐ செயலாளராக இருந்து வருகிறார். ஐசிசி தலைவராக தொடர்ந்து இரண்டு முறை பதவி வகித்த 62 வயதான நியூசிலாந்து வீரர் கிரேக் பார்க்லேயின் பதவிக்காலம் நவம்பரில் முடிவடைகிறது.
இந்நிலையில், 3-வது முறையாக தலைவராக நீடிக்க விரும்பவில்லை என்றும், வரும் நவம்பர் மாதம் பதவியில் இருந்து விலகுவதாகவும் கிரேக் பார்க்லே தெரிவித்துள்ளார். இதையடுத்து ஐசிசி தலைவர் பதவிக்கான தேர்தல் அறிவிக்கப்பட்டது.
ஆகஸ்ட் 27-ம் தேதிக்குள் வேட்புமனு தாக்கல் செய்யலாம் என ஐசிசி நிர்வாகம் அறிவித்தது. வேட்பு மனு தாக்கல் செய்ய கடைசி நாளான நேற்று பிசிசிஐ செயலாளர் ஜெய் ஷாவை தவிர வேறு யாரும் வேட்புமனு தாக்கல் செய்யவில்லை.
இதையடுத்து அவர் போட்டியின்றி ஐசிசி தலைவராக தேர்ந்தெடுக்கப்பட்டார். ஜெய் ஷா டிசம்பர் 1-ம் தேதி பொறுப்பேற்கிறார். மறைந்த ஜக்மோகன் டால்மியா, சரத் பவார், என். சீனிவாசன் மற்றும் ஷஷாங்க் மனோகர் ஆகியோருக்குப் பிறகு ஐசிசி தலைவர் பதவியை வகிக்கும் ஐந்தாவது இந்தியர் ஜெய் ஷா ஆவார்.
