சித்தூர்: ஆந்திர மாநிலத்தில் பிரேக் டவுன் ஆகி நின்ற லாரியின் பின்னால் மற்றொரு லாரி மோதி விபத்து ஏற்பட்ட சம்பவம் பரபரப்பை ஏற்படுத்தி உள்ளது.
ஆந்திர மாநிலம் சித்தூரில் முகிலி மலைப்பாதையில் நள்ளிரவில் பிரேக் டவுன் ஆகி சாலையோரம் நின்றிருந்த லாரியின் பின்னால் மற்றொரு லாரி மோதி தீப்பற்றியதில் ஓட்டுநர் 2 பேர் தீயில் கருகி உயிரிழந்தனர்.
திருப்பதியில் இருந்து விறகு லோடு ஏற்றிக்கொண்டு குப்பம் நோக்கி சென்று கொண்டிருந்த லாரி திடீரென பிரேக் டவுன் ஆன நிலையில் சாலையோரம் நிறுத்திவிட்டு ஓட்டுநர் அதன் அடியில் படுத்து உறங்கியதாக கூறப்படுகிறது.
அப்போது அதே சாலையில் அதிவேகமாக வந்த லாரி ஒன்று நின்றிருந்த லாரியின் பின்னால் மோதி 2 லாரிகளிலும் தீப்பற்றியதாக போலீசார் தெரிவித்தனர். இதில் லாரியின் கீழ் படுத்து தூங்கிய ஓட்டுநரும் மோதிய லாரியின் ஓட்டுநரும் தீயில் கருகி உயிரிழந்தனர்.
