புது டெல்லி: தலைநகர் டெல்லியில் கனமழையால் தாழ்வான பகுதிகளில் தண்ணீர் தேங்கியுள்ளது. மழை காரணமாக போக்குவரத்து நெரிசல் ஏற்பட்டுள்ளது. டெல்லியில் பரவலாக மழை பெய்து வருகிறது. வெள்ளிக்கிழமை இரவு அங்கு மழை தொடங்கியது.
நகரின் பல்வேறு பகுதிகளில் நாள்தோறும் மழை தொடர்ந்தது. இதன் காரணமாக, அங்கு வெப்பநிலை தணிந்துள்ளது. மழை காரணமாக சாஸ்திரி பவன், ஆர்.கே.புரம், மோதி பாக், கித்வாய் நகர் பகுதிகளில் பலத்த மழை பதிவாகியுள்ளது.
சுரங்கப்பாதையில் மழைநீர் தேங்கியுள்ளது. ரக்ஷா பந்தன் கொண்டாடப்படும் இன்று பதிவான மழையால் மக்களின் இயல்பு வாழ்க்கை பாதிக்கப்பட்டுள்ளது. இன்று நாள் முழுவதும் மழை பெய்யும் என்று வானிலை ஆய்வு மையம் அறிக்கை வெளியிட்டுள்ளது.
இடியுடன் கூடிய மிதமான மழை முதல் கனமழை வரை பெய்ய வாய்ப்புள்ளதாக வானிலை அறிக்கையில் கூறப்பட்டுள்ளது. டெல்லியின் மத்திய மற்றும் கிழக்கு பகுதிகளில் மழையின் தாக்கம் குறிப்பாக தீவிரமாக இருக்கும் என்று தெரிவிக்கப்பட்டுள்ளது.
