தமிழகத்தில் பெஞ்சல் சூறாவளியின் தாக்கம் சபரிமலையில் ஏற்பட்டுள்ளது. பம்பையில் முன்னெச்சரிக்கை நடவடிக்கை எடுக்கப்பட்டுள்ளது. புயல் காரணமாக சபரிமலை பகுதியில் கடந்த 30ம் தேதி மாலை 6:30 மணியளவில் லேசான மழை பெய்யத் தொடங்கியதாக தெரிகிறது. இந்த மழை மேலும் அதிகரித்து 11:00 மணிக்கு பிறகு பலத்த மழையாக மாறியது.
இதனால் மலை ஏறும் பக்தர்கள் சிரமப்பட்டனர். சில பக்தர்கள் அருகில் உள்ள கடைகளில் தஞ்சம் அடைந்தனர், மழையால் பாதையில் வழுக்கல் ஏற்பட்டதால், அவர்கள் மெதுவாக ஏறினர். பக்தர்கள் யாரும் வரிசையில் நிற்காததால், உடனடியாக தரிசனம் முடித்து, கொட்டகையில் தஞ்சம் அடைந்தனர்.
சபரிமலையில் மஞ்சள் எச்சரிக்கை விடுக்கப்பட்டுள்ளதால், சபரிமலை, பம்பை, நிலக்கல் ஆகிய இடங்களில் இடியுடன் கூடிய மழை பெய்யும் என்றும், மணிக்கு 40 கிமீ வேகத்தில் காற்று வீசும் என்றும் வானிலை ஆய்வு மையம் அறிவித்துள்ளது. மழை தீவிரமடைந்ததால் பக்தர்கள் கூட்டம் குறைந்துள்ளது.
இதனிடையே சபரிமலையில் நெரிசலை சமாளிக்க மாற்று ஏற்பாடுகள் செய்யப்படும் என தேவசம்போர்டு தெரிவித்துள்ளது. காவல்துறையினருடன் கலந்தாலோசித்து முடிவு எடுக்கப்படும் என்று திருவிதாங்கூர் தேவசம் போர்டு தலைவர் பி.எஸ். பிரசாந்த்தெரிவித்தார்.
சபரிமலையில் பக்தர்கள் கூட்டத்தை ஒழுங்குபடுத்தும் போது தடிகளை எடுத்துச் செல்லக் கூடாது என பாதுகாப்புப் பணியில் ஈடுபடுத்தப்பட்டுள்ள போலீஸார் அறிவுறுத்தப்பட்டுள்ளனர். பக்தர்கள் மற்றும் காவல்துறையினரின் நடத்தை குறித்த வழிகாட்டுதல்கள் சமூக வலைதளங்களில் வெளியிடப்பட்டுள்ளன.
மலர் மேலாண்மை குறித்து, சபரிமலையில் தினமும் ஆயிரக்கணக்கான பூக்கள் சேகரிக்கப்படுகின்றன. அவற்றை எரித்து பல்வேறு பயனுள்ள பொருட்களை தயாரிக்க ஆய்வுகள் நடத்தப்பட்டுள்ளன. இதுகுறித்து, கேரள அரசும், தேவசம்போர்டும் சம்மதம் தெரிவித்துள்ளன.
சமூக அமைப்புகளை முறையாக ஒழுங்குபடுத்துவது மற்றும் நெரிசல் மற்றும் பிற பிரச்சனைகளை கையாள்வது முக்கியம்.
