திருப்பதி: திருப்பதியில் நள்ளிரவில் பெய்த கனமழையால் ஓடை போல் ஓடிய தண்ணீரால் பக்தர்கள் பாதிக்கப்பட்டனர்.
திருப்பதியில் நள்ளிரவில் கனமழை பெய்தது. இதனால் கடைவீதிகளில் ஓடையைப் போல் மழை நீர் ஓடியது. வங்கக்கடலில் உருவான காற்றழுத்த தாழ்வு மண்டலத்தின் காரணமாக நெல்லூர் கடப்பா ஆகிய பகுதிகளில் கன மழை பெய்யும் என மாநில வானிலை எச்சரிக்கை விடுக்கப்பட்டிருந்தது.
தொடர்ந்து திருப்பதியில் விட்டுவிட்டு மழை பெய்து வருகிறது. திருமலையில் உள்ள ஷாப்பிங் காம்ப்ளக்ஸ் பகுதியில் கடைவீதிகளில் ஓடை போல் தண்ணீர் சென்றது. இதனால் இயல்பு வாழ்க்கை பாதிக்கப்பட்டது. மேலும் திருப்பதிக்கு வந்த பக்தர்களும் அவதிக்குள்ளாகினர்.
திருப்பதி தேவஸ்தானம் சார்பில் பக்தர்கள் எச்சரிக்கையாக இருக்க வேண்டும் என்று அறிவுறுத்தப்பட்டது.
