சென்னை: தினமும் ஒரு தேன் நெல்லிக்காய் சாப்பிட்டால் வைட்டமின் குறைபாடுகள் நீங்கும். வீட்டிலேயே தேன் நெல்லிக்காய் செய்வது எப்படி என்று இந்த பதிவில் அறிந்து கொள்ளலாம்.
தேவையான பொருட்கள்:
பெரிய நெல்லிக்காய் – 10,
தேன் – 100 மில்லி.
செய்முறை: நெல்லிக்காயைக் கொதிக்கும் நீரில் போட்டு வேகவைத்து உதிர்த்து கொட்டையை எடுக்கவும்.
வெறும் வாணலியில் உதிர்த்த நெல்லிக்காயைப் போட்டு சிறிது வதக்கிக்கொள்ளவும். வதக்கிய நெல்லிக்காயை ஒரு பாட்டிலில் போட்டு நெல்லிக்காய் மூழ்கும் வரை தேன் ஊற்றிவைக்கவும்.
தேனில் ஊறி, தேன் சுவையும் நெல்லிக்காயின் சுவையும் சேர்ந்து மிகவும் நன்றாக இருக்கும். இதில் ஏராளமான வைட்டமின்கள் நிரம்பி உள்ளது, உடலுக்கு நோய் எதிர்ப்பு சக்தி அளிக்கும் குணம் கொண்டது.
