வாழைப்பழம், நம் உணவில் அதிக இடத்தை பிடித்த ஒரு பழமாகும். இதில் பொட்டாசியம், வைட்டமின் சி, மற்றும் நார்ச்சத்துகள் போன்றவை அடங்கியுள்ளன. இவை உடலில் நோய் எதிர்ப்பு சக்தியை அதிகரிக்க வைக்கும் ப்ளேவனாய்டுகளை கொண்டிருக்கின்றன. ஆனால், சர்க்கரை நோயாளிகள் பல ஆண்டுகளாக இந்த பழத்தை தவிர்த்து வந்தார்கள், ஏனெனில் இதில் உள்ள சர்க்கரையின் அளவு அதிகம் என்பதால் இது அவர்களது இரத்த சர்க்கரை அளவுகளை அதிகரிக்கக்கூடும் என்று கருதப்பட்டது.
தவிர்க்கவேண்டியதாகக் கருதப்பட்ட வாழைப்பழம், இப்போது மருத்துவ விஞ்ஞானிகளால் புதிய ஆய்வுகள் மூலம், சர்க்கரை நோயாளிகளும் சாப்பிடலாம் என்ற தகவலை உறுதிப்படுத்தியுள்ளது. இது அந்த நோயாளிகளுக்கு ஒரு இனிப்பான செய்தியாக இருக்கிறது. குறிப்பாக, திருச்சி வாழை ஆராய்ச்சி மையத்தில் மேற்கொள்ளப்பட்ட புதிய ஆய்வுகள் இதை நிரூபித்துள்ளன.
இந்த ஆய்வை நடத்திய முக்கிய விஞ்ஞானி மு.மயில்வாகனன், “வாழைப்பழத்தின் பலவிதமான ரகங்கள், நமது இந்தியாவின் வாழ்க்கையில் மிக முக்கிய இடத்தை பிடித்துள்ளன. இந்தியாவில் மட்டும் ஆண்டுக்கு 35 மில்லியன் டன் வாழை உற்பத்தியாகின்றது. இது உலகின் மொத்த வாழை உற்பத்தியின் 26 சதவிகிதத்தை அடையாளப்படுத்துகிறது,” என்றார்.
இவர்களது ஆராய்ச்சியில், சர்க்கரை நோயாளிகள் குறைந்த அளவில், முறையாக வாழைப்பழம் எடுத்துக்கொள்ளலாம் என தெரிவிக்கப்பட்டுள்ளது. சரியான அளவில் வாழைப்பழம் உட்கொள்வதன் மூலம், இதில் உள்ள நார்ச்சத்து மற்றும் தாது உப்புகள், இரத்தத்தில் சர்க்கரை அளவை கட்டுக்குள் வைக்கும் திறன் கொண்டது.
வாழைப்பழத்தின் முக்கிய சத்துக்களான பொட்டாசியம், இரத்த அழுத்தத்தை கட்டுப்படுத்துவதில் முக்கிய பங்கு வகிக்கின்றன. இந்த பழத்தின் நார்ச்சத்து, உணவு செரிமானத்தை சீராக வைத்திருக்க உதவும், மேலும் இரத்தத்தில் சர்க்கரை அளவுகளை ஒழுங்குபடுத்தும். இதனால், சர்க்கரை நோயாளிகள் வாழைப்பழத்தை முறையாக உட்கொண்டு, உடல்நலத்தில் முன்னேற்றம் காண முடியும்.
