உடல்நலனில் அதிக கவனம் செலுத்தும் இன்றைய தலைமுறையில் வெந்தயம், சீரகம், சப்ஜா விதை, லெமன்-தேன் போன்றவற்றுடன் வெண்டைக்காய் ஊறவைத்த தண்ணீர் பருகும் பழக்கம் பரவலாக உள்ளது. இது சர்க்கரை அளவை கட்டுப்படுத்துவதோடு பசியைக் குறைத்து உடல் எடையை சீராக்க உதவுவதற்காக பருகப்படுகிறது. மேலும் செரிமானத்தைக் கூர்மையாக்கவும், மலச்சிக்கலை சரிசெய்யவும், கண் பார்வை குறைபாடுகளைத் தவிர்க்கவும், நச்சுச்சத்துகளை வெளியேற்றவும் பயன்படுகிறது.
ஆனால் மருத்துவ நிபுணர்கள் கூறுவதாவது, வெண்டைக்காயை சமைத்து சாப்பிடும் போது அதன் சத்துக்கள் முழுமையாக கிடைக்கும். வெண்டைக்காயில் உள்ள பைஃபர், ஆன்டிஆக்ஸிடென்ட்ஸ், பாலிபினால்ஸ் போன்ற சத்துக்கள் நேரடியாக உடலுக்கு உறிஞ்சப்படுகிறது. இது கொலஸ்ட்ரால் அளவை சீராக்குவதோடு, குளுக்கோஸ் அளவையும் கட்டுப்படுத்துகிறது.
வெண்டைக்காய் தண்ணீரில் வைட்டமின் சி அதிகம் உள்ளதாலும் நன்மைகள் உள்ளன. ஆனால் சமைக்கப்பட்ட வெண்டைக்காயில் பல சத்துக்கள் முழுமையாக பெறப்படுகிறது. இது நீண்ட கால நலனுக்கு சிறந்ததாக இருக்கலாம்.
வெண்டைக்காய் தண்ணீர் உடலுக்கு தீங்கு தருவதில்லை. ஆனால் அது ஒரு पूரணத் தேர்வாகவே பார்க்கப்பட வேண்டும். உணவாக சமைத்து எடுத்துக்கொள்ளும் முறையே முழுமையான சத்துக்களை வழங்கும் என்பதே நிபுணர்கள் கருத்து.
