இனிப்புச் சுவை, மொறுமொறுப்பு மற்றும் ஆரோக்கிய நன்மைகள் காரணமாக கேரட் என்பது பலராலும் விரும்பப்படும் காய்கறியாக உள்ளது. ஆனால் அதை பச்சையாக சாப்பிடலாமா அல்லது சமைத்துவிட்டுப் போதாமா என்பது குறித்து பலர் குழப்பத்தில் இருக்கிறார்கள்.
கேரட்டில் பீட்டா கரோட்டின் எனப்படும் முக்கிய ஊட்டச்சத்து உள்ளது. இது நம் உடலில் வைட்டமின் ஏ ஆக மாறுகிறது. பச்சையாக சாப்பிட்டால், உடல் அதில் உள்ள பீட்டா கரோட்டினில் 3-4% மட்டுமே உறிஞ்ச முடியும். ஆனால் அதை வேகவைத்தால், உறிஞ்சுதல் 40% வரை அதிகரிக்கிறது.
வெப்பம் கேரட்டின் கடினமான செல்களை சிதைக்க உதவுகிறது. இதன் மூலம் ஊட்டச்சத்துக்கள் வெளியேறும். அதே நேரத்தில், சமைப்பது சில ஆன்டி-நியூட்ரியண்ட்களை குறைக்கும், இது ஊட்டச்சத்து உறிஞ்சுதலுக்கு உதவுகிறது. வைட்டமின் ஏ கொழுப்பில் கரையக்கூடியது என்பதால், கேரட்டை கொஞ்சம் நல்ல எண்ணெய்களுடன் சேர்த்து சாப்பிடுவது நல்லது.
பச்சை கேரட்டில் வைட்டமின் சி அதிகம் உள்ளதால் நோய் எதிர்ப்பு சக்திக்கு உதவுகிறது. மேலும் நார்ச்சத்து செரிமானத்துக்கு நல்லது. பச்சையாக சாப்பிடும்போது எளிதாக எடுத்துச்செல்லலாம்.
சமைத்த கேரட்டில் பீட்டா கரோட்டின் அதிகமாக உறிஞ்சப்படும். இது கண் ஆரோக்கியம், சருமம் மற்றும் நோய் எதிர்ப்பு சக்திக்குப் பயன்படுகிறது. வேகவைக்கும் போது நார்ச்சத்து குன்றாமல் இருக்கும் மற்றும் சமைத்த கேரட்டை பலவிதமாக சமைத்து சாப்பிட முடியும்.
அதிக வெப்பம் சில வைட்டமின்களை சேதப்படுத்தலாம். எனவே நம்மால் முடிந்த வரை குறைந்த வெப்பத்தில் வேகவைக்கலாம். ஆலிவ் எண்ணெய் அல்லது அவகேடோ எண்ணெய் போன்ற ஆரோக்கியமான கொழுப்புகளுடன் சமைத்தால் மேலும் நன்மை.
பச்சையாக சாப்பிடினாலும், வேகவைத்து சாப்பிட்டாலும் கேரட் உடலுக்கு நன்மை செய்யும். முறையான முறையில் சமைக்கப்படும்போது கேரட் சிறந்த ஊட்டச்சத்து வளமாக மாறுகிறது.
