திருமலை: ஆந்திர மாநிலம் ஒய்எஸ்ஆர் காங்கிரஸ் எம்.பி. ராஜம்பேட்டை நாடாளுமன்ற தொகுதி பெத்திரெட்டி மிதுன்ரெட்டி.
திருப்பதியில் தங்கியுள்ள அவர், தனது கட்சியினரின் வீடுகள் இடிக்கப்பட்டதை அறிந்த அவர், இன்று அங்கு சென்று அவர்களுக்கு ஆறுதல் கூற விரும்பினார்.
இந்நிலையில் நேற்று பெத்திரெட்டி மிதுன்ரெட்டி வீட்டுக்கு சென்ற போலீசார், ராஜம்பேட்டைக்கு சென்றால் சட்டம் ஒழுங்கு பாதிக்கப்படும் என கூறி வீட்டுக்காவலில் வைத்தனர்.
பின்னர் அவரை வெளியே செல்ல அனுமதிக்கவில்லை. இதனிடையே பெத்ரிரெட்டி மிதுன்ரெட்டி கூறுகையில், ‘தேர்தலுக்குப் பிறகு எங்கள் கட்சியை பல இடங்களில் தெலுங்கு தேசம் கட்சி தாக்கி வருகிறது.
இது மிகவும் மோசமான நிலை. புங்கனூரில் இதுவரை கண்டிராத புதிய கலாச்சாரத்தை கொண்டு வந்துள்ளனர்.
ஒய்எஸ்ஆர் காங்கிரஸ் கட்சி நிர்வாகிகளின் வீடுகள் இடிக்கப்படுகின்றன. ஜில்லா பரிஷத், மண்டல் பரிஷத், பஞ்சாயத்து தலைவர்களை கட்சி மாறப்போவதாக மிரட்டுகிறார்கள்.
தேர்தல் நேரத்தில் போட்டி ஆரோக்கியமானது. ஆனால் தேர்தலுக்குப் பிறகு வீடுகள் தாக்கப்படுவது கொடூரமானது.
பாதிக்கப்பட்டவர்களை பார்க்க சென்றால் போலீசார் தடுத்து நிறுத்தி வீட்டுக்காவலில் வைக்கின்றனர். எனது தொகுதிக்கு செல்ல விடாமல் தடுக்கிறார்கள். இதை மக்களவை சபாநாயகரின் கவனத்திற்கு கொண்டு செல்வேன்.
மாநிலத்தில் தெலுங்கு தேசம் கட்சி அரசு புதிய போக்கை தொடங்கியுள்ளது. மாநிலம் முழுவதும் எங்களுக்கு வாக்களித்த 40 சதவீத மக்கள் மாநிலத்தை விட்டு தூக்கி எறியப்படுவார்களா?
நான் பா.ஜ.க.வில் சேரவிருப்பதாக தவறான தகவலை பரப்பி வருகின்றனர். எக்காரணம் கொண்டும் கட்சி மாற மாட்டேன்,’ என்றார்.
