செங்கல்பட்டு: செங்கல்பட்டு மாவட்டம் சிங்கபெருமாள் கோயில் அருகே பாலூர் சாலை தரைப்பாலத்தில் ஓடும் வெள்ளத்தில் தனியார் பேருந்து. சிக்கியது.
செங்கல்பட்டு மாவட்டம் சிங்கபெருமாள் கோவில் – பாலூர் சாலையில் உள்ள நீஞ்சல் மதகு கால்வாயின் தரைப்பாலம் 3ஆவது நாளாக வெள்ளத்தில் மூழ்கியுள்ளது.
போக்குவரத்துக்கு தடை விதிக்கப்பட்டிருந்த நிலையில், அதில் சென்ற தனியார் நிறுவன பேருந்து வெள்ளத்தில் சிக்கியது.
இதேபோல் கள்ளக்குறிச்சி மாவட்டத்தில் பெய்த கனமழையால் சங்கராபுரம் அருகே கள்ளிப்பட்டு உள்ளிட்ட பகுதிகளில் அறுவடைக்குத் தாயாராக இருந்த மக்காச் சோளப் பயிர்கள் வெள்ளத்தில் மூழ்கி முளைக்கத் தொடங்கிவிட்டதாக விவசாயிகள் தெரிவித்தனர்.
ஏக்கருக்கு 20 ஆயிரம் ரூபாய் முதல் 30 ஆயிரம் ரூபாய் வரை செலவு செய்த நிலையில் பயிர்கள் சேதம் அடைந்ததால் அதிகாரிகள் ஆய்வு செய்து உரிய இழப்பீடு வழங்க வேண்டும் எனக் கோரிக்கை விடுத்தனர்.
