சென்னை: சென்னையில் இரண்டாம் கட்ட மெட்ரோ ரயில் திட்டம் 3 வழித்தடங்களில் ரூ.63,246 கோடி செலவில் 116.1 கி.மீ. மத்திய பட்ஜெட்டில், 2025-26-ம் நிதியாண்டில் சென்னை 2-ம் கட்ட மெட்ரோ ரயில் திட்டத்துக்கு ரூ.8,445.80 கோடி ஒதுக்கீடு செய்யப்பட்டுள்ளது. இதேபோல், டெல்லி மெட்ரோ ரயில் திட்டத்துக்கு ரூ.5,434.72 கோடியும், பாட்னா மெட்ரோ திட்டத்துக்கு ரூ.3,165.19 கோடியும், பெங்களூரு மெட்ரோ ரயில் திட்டத்துக்கு ரூ.2,217 கோடியும் ஒதுக்கீடு செய்யப்பட்டுள்ளது.
இதேபோல், மும்பை உட்பட மகாராஷ்டிராவில் நான்கு இடங்களில் மெட்ரோ திட்டத்துக்கு ரூ.4,836 கோடி ஒதுக்கீடு செய்யப்பட்டுள்ளதாக தகவல் அறியும் உரிமைச் சட்டத்தின் மூலம் வினவலில் தெரியவந்துள்ளது. 10 மைல் மெட்ரோ ரயில் திட்டத்துக்கு ரூ.31,755.90 கோடி ஒதுக்கீடு செய்யப்பட்டுள்ளது. இதுகுறித்து, சென்னை, சிட்லபாக்கத்தைச் சேர்ந்த சமூக ஆர்வலர் தயானந்தகிருஷ்ணன் கூறியதாவது:-

மத்திய பட்ஜெட்டில் அறிவிக்கப்பட்ட, இரண்டாம் கட்ட மெட்ரோ ரயில் திட்டத்துக்கு, 8,445 கோடி ரூபாய் ஒதுக்கப்பட்டுள்ளது. இது நாட்டின் மொத்த மெட்ரோ ரயில் திட்டங்களில் 26.6 சதவீதமாகும். இதேபோல், டெல்லி, மும்பை, பெங்களூரு உள்ளிட்ட பல்வேறு நகரங்களில் மெட்ரோ ரயில் திட்டங்களுக்கு கணிசமான நிதி ஒதுக்கப்பட்டுள்ளதாக ஆர்டிஐயில் தகவல் வெளியாகியுள்ளது. தமிழகத்தின் முக்கிய மெட்ரோ திட்டங்களான கோவை, மதுரை, விமான நிலையம் – கிளாம்பாக்கம் மெட்ரோ ரயில் திட்டங்களுக்கு மத்திய அரசு விரைந்து ஒப்புதல் அளித்து, தேவையான நிதியை வழங்க வேண்டும். இவ்வாறு அவர் கூறினார்.