நீலகிரி மாவட்டம் கூடலூர், பந்தலூர் பகுதிகளில் தேயிலைக்குப் பிறகு காபி சாகுபடியில் விவசாயிகள் ஈடுபட்டுள்ளனர். இங்கு, 10,700 ஏக்கரில் ரொபஸ்டோ காபியும், 5,750 ஏக்கரில் அரேபிக்கா காபியும் சாகுபடி செய்யப்படுகிறது. காபி செடிகள் ஒவ்வொரு ஆண்டும் மார்ச் மற்றும் ஏப்ரல் மாதங்களில் பூக்கும். நவம்பர் முதல் ஜனவரி வரை காபி பழங்கள் பறிக்கப்படுகின்றன.
காபி பழங்களை உலர்த்தி உள்ளே இருக்கும் பருப்பு காபி தூள் தயாரிக்க பயன்படுகிறது. இந்த ஆண்டு காபி பூக்கும் காலத்தில் கோடை மழை பெய்யாததால் விளைச்சல் குறைந்துள்ளது. இதனால் விவசாயிகள் கவலை அடைந்தனர். இந்நிலையில் காபி பழங்கள் கிலோ 70, உலர்ந்த காபி ரூ. 220 முதல் 230 வரையிலும், சுத்தம் செய்யப்பட்ட காபி ஒரு ரூ. கிலோ 400 கொள்முதல் செய்யப்பட்டு வருகிறது. விவசாயிகள் கூறுகையில், ”இந்தாண்டு விளைச்சல் குறைந்ததால், காபிக்கு அதிக விலை கிடைக்கிறது.
மேலும், விலை உயர வாய்ப்புள்ளது,” என்றார். இதுகுறித்து கூடலூர் காபி வாரிய முதுநிலை தொடர்பு அலுவலர் ஜெயராமன் கூறுகையில், ”காபி செடிகள் மார்ச், ஏப்ரல் மாதங்களில் பூக்கும். அப்போது கோடை மழையால் விளைச்சல் கிடைக்கும். இந்த ஆண்டு காபி பூக்கள் பூக்கும் மாதத்தில் கோடை மழை பெய்ததால் விளைச்சல் குறைந்துள்ளது. இதனால், தேவை அதிகரித்து, அதிக விலை கிடைப்பதால் விவசாயிகளுக்கு போதிய வருமானம் கிடைக்க வாய்ப்புள்ளது.
