சென்னை வானிலை ஆய்வு மையம், நாளை (மார்ச் 11) தமிழ்நாட்டின் 12 மாவட்டங்களில் கனமழை பெய்யக்கூடும் என்று அறிவித்துள்ளது. இதற்கிடையே, தென் மாவட்டங்கள் மற்றும் டெல்டா மாவட்டங்களில் கனமழை பெய்து வருகிறது.
வானிலை ஆய்வு மையத்தின் அறிவிப்பின் படி, பூமத்திய ரேகையை ஒட்டிய வடகிழக்கு இந்தியப் பெருங்கடல் மற்றும் தென்மேற்கு வங்கக்கடலின் மேல் ஒரு வளிமண்டல கீழடுக்கு சுழற்சி நிலவுகிறது. இதன் காரணமாக, நாளை புதுவை மற்றும் காரைக்கால் பகுதிகளிலும், தமிழக மாநிலத்தின் பல இடங்களில் இடி, மின்னலுடன் கூடிய மழை பெய்யும் வாய்ப்பு உள்ளது.
கன்னியாகுமரி, திருநெல்வேலி, தென்காசி மற்றும் தூத்துக்குடி மாவட்டங்களில் கன மழையும், விருதுநகர், சிவகங்கை, மயிலாடுதுறை, தஞ்சாவூர், திருவாரூர், நாகப்பட்டினம், புதுக்கோட்டை மற்றும் ராமநாதபுரம் மாவட்டங்களில் கனமழை பெய்ய வாய்ப்பு உள்ளது.
சென்னை மற்றும் அதன் சுற்றியுள்ள புறநகர்களில், நாளை வானம் ஓரளவு மேகமூட்டத்துடன் காணப்படும். சில இடங்களில் லேசான முதல் மிதமான மழை பெய்யக்கூடும். அதிகபட்ச வெப்பநிலை 32-33 டிகிரிகளுக்கும், குறைந்தபட்ச வெப்பநிலை 22-23 டிகிரிகளுக்கும் இடையே இருக்கும் என்று வானிலை ஆய்வு மையம் தெரிவித்துள்ளது.
மார்ச் 13 முதல் 16 வரை, தமிழ்நாடு, புதுவை மற்றும் காரைக்கால் பகுதிகளில் லேசான முதல் மிதமான மழை பெய்யும் வாய்ப்பு உள்ளதாகவும், மேலும், 12 மார்ச் அன்று தென் தமிழ்நாட்டின் சில இடங்களில் கனமழை பெய்யக்கூடும் என்று கூறப்பட்டுள்ளது.
