மதுரை: உயர் நீதிமன்ற மதுரை அமர்வில் திண்டுக்கல் சத்ரபதியைச் சேர்ந்த செல்லமுத்து என்பவர் தாக்கல் செய்த மனுவில், “மத்திய கல்வி அமைச்சகத்தால் அங்கீகரிக்கப்பட்ட தேசிய நிறுவன தரவரிசை கட்டமைப்பு (NIRF), இந்தியா முழுவதும் உள்ள உயர்கல்வி நிறுவனங்கள், கல்லூரிகளின் சிறந்த உள்கட்டமைப்பு வசதிகள், பேராசிரியர்களின் கற்பித்தல் திறன் உள்ளிட்ட விவரங்களை ஆய்வு செய்து, சிறந்த கல்லூரிகளின் பட்டியலை வெளியிடும். தேசிய நிறுவன தரவரிசை கட்டமைப்பானது கல்லூரிகளின் உள்கட்டமைப்பு வசதிகளின் அடிப்படையில் உயர் கல்வி நிறுவனங்களை வரிசைப்படுத்துகிறது மற்றும் சில சிறந்த கல்லூரிகளை வெளியிடுகிறது.
அவற்றில் சில போதுமான உள்கட்டமைப்பு வசதிகள் இல்லை. எனவே, கல்லூரிகளின் தரவரிசைப் பட்டியலை, உரிய உண்மையான தரவுகளை சரிபார்த்து, ஒப்பிட்டுப் பார்த்து வெளியிட வேண்டும். எனவே, உயர்கல்வி நிறுவனங்கள் தொடர்பான அரசு ஆவணங்களின் பதிவேடுகளில் உள்ள தரவுகளை ஒப்பிட்டு, அவற்றை சரிபார்த்து, உறுதி செய்து, நடப்பாண்டு தரவரிசைப் பட்டியலை வெளியிட உத்தரவிட வேண்டும்,” என மனுவில் கூறப்பட்டுள்ளது.
இந்த மனுவை நீதிபதிகள் ஜெ.நிஷாபானு, எஸ்.ஸ்ரீமதி ஆகியோர் அடங்கிய அமர்வு இன்று விசாரித்தது. மேல்நிலைக் கல்லூரிகள் மற்றும் உயர்கல்வி நிறுவனங்களின் என்ஐஆர்எஃப் தரவரிசைப் பட்டியலை வெளியிட இடைக்காலத் தடை விதித்து, மனுவுக்கு மத்திய கல்விச் செயலர் பதிலளிக்க உத்தரவிட்டு, விசாரணையை ஒத்திவைத்தது.
