சென்னை: வீட்டிலேயே சுவையான ஆரோக்கியம் நிறைந்த உலர் பழ ஜாம் செய்வது எப்படி என்று பார்க்கலாம்.
தேவையானவை
ப்ரூன்ஸ் – 5
விதை நீக்கிய பேரீச்சை – 4
கருப்பு உலர்திராட்சை – 2 மேசைக்கரண்டி
அப்ரிகாட் – 5
செய்முறை: ஒரு கப் தண்ணீரில் இவற்றை எல்லாவற்றையும் போடவும்.10-15 நிமிடங்கள் வரை மூடிபோட்டு வேகவிடவும். பின்னர் ஆறவிடவும். மிக்சியில் போட்டு மையாக அரைத்துக் கொள்ளவும்.
அரைத்த அனைத்தையும் ஒரு கண்ணாடி பாத்திரத்தில் போட்டு சேமிக்கவும். உலர் பழ ஜாம் தயார். இதை ஒரு வயது குழந்தைகளுக்கும் கொடுக்கலாம். பிரெட்டில் தடவி குழந்தைகளுக்கு கொடுக்கலாம். சப்பாத்தியின் மேல் தடவி தரலாம்.தோசையில் ஜாமை பரப்பி நட்ஸ் பவுடர் தூவி தரலாம். ஸ்மூத்தியில் கலந்து கொடுக்கலாம். 6 வாரம் வரை பயன்படுத்தலாம். ஃப்ரிட்ஜில் வைத்துப் பயன்படுத்துங்கள்.
