கச்சத்தீவை திரும்பப் பெறுவது சரியல்ல: கார்த்தி சிதம்பரம் கருத்து

சிவகங்கை: கச்சத்தீவை ராஜதந்திர ரீதியாக வழங்கப்பட்டது. அதைத் திரும்பப் பெறுவது சரியல்ல என்று சிவகங்கை எம்.பி. கார்த்தி சிதம்பரம் கூறினார். சிவகங்கையில் செய்தியாளர்களிடம் அவர் கூறியதாவது:-

ஜி.எஸ்.டி குறைப்பு வரவேற்கத்தக்கது. இது பொருட்களின் விலைகளைக் குறைக்கும். இருப்பினும், இது தாமதமான முடிவு. பணமதிப்பிழப்பு மற்றும் கொரோனா பரவலின் போது பொருளாதார நிலைமை பாதிக்கப்பட்டது. அந்த நேரத்தில் ஜி.எஸ்.டி குறைக்கப்பட்டிருக்க வேண்டும். சுகாதார காப்பீட்டுத் திட்டங்களுக்கு விலக்கு அளிப்பது வரவேற்கத்தக்கது.

வரி விலக்கு பட்டியலில் உள்ள பொருட்களின் எண்ணிக்கையை அதிகரிக்க வேண்டும். தி.மு.க ஆட்சியில் தமிழகம் அதிக முதலீட்டைப் பெற்றுள்ளது. பழனிசாமி ஆட்சியில் பெறப்பட்ட முதலீடுகள் குறித்து வெள்ளை அறிக்கை வெளியிட வேண்டும்.

தமிழ்நாட்டில் பாஜக எந்தக் கட்சியுடன் கூட்டணி அமைத்தாலும் அது தோல்வியடையும். தமிழக மக்கள் பாஜகவை ஏற்றுக்கொள்ள மாட்டார்கள். கச்சத்தீவை ராஜதந்திர ரீதியாக வழங்கப்பட்டது. அதைத் திரும்பப் பெறுவது சரியல்ல. இவ்வாறு அவர் கூறினார்.