சென்னை: ஆமைகள் உயிரிழக்கும் வகையிலான இழுவை வலைகளை பயன்படுத்திய மீன்பிடி கப்பல்கள் மீது எடுக்கப்பட்ட நடவடிக்கை குறித்து வரும் 31-ம் தேதிக்குள் விரிவான அறிக்கை தாக்கல் செய்ய தமிழக அரசுக்கு தென் மண்டல பசுமை தீர்ப்பாயம் உத்தரவிட்டுள்ளது.
சென்னை மெரினா முதல் கோவளம் வரையிலான கடலோரப் பகுதிகளில் ஏராளமான கடல் ஆமைகள் கரை ஒதுங்கியுள்ளன. இந்நிலையில் தென்மண்டல பசுமை தீர்ப்பாய உறுப்பினர் புஷ்பா சத்தியநாராயணா, நிபுணர் உறுப்பினர் சத்யகோபால் ஆகியோர் தாங்களாக முன்வந்து இந்த வழக்கை விசாரணைக்கு எடுத்துக்கொண்டனர். இந்த வழக்கு நேற்று விசாரணைக்கு வந்தபோது, கடல் ஆமைகள் அதிக அளவில் கரை ஒதுங்குவதற்கான காரணம் கண்டறியப்பட்டுள்ளதா என்றும், ஆமை உயிர்கள் பலியாவதை தடுக்க தமிழக அரசு என்ன நடவடிக்கை எடுத்துள்ளது என்றும் ஐகோர்ட் கேள்வி எழுப்பியது.
இதற்கு, தமிழக அரசு வக்கீல் சண்முகநாதன் பதிலளித்து கூறியதாவது:- இப்பிரச்னை தொடர்பாக, அரசு தலைமை செயலர் தலைமையில் கூட்டம் நடந்தது. இதில், முதன்மை தலைமை வன பாதுகாவலர் மற்றும் தலைமை வனவிலங்கு காப்பாளர் தலைமையில், இந்திய கடலோர காவல்படை, மீன்வளத்துறை, வனத்துறை, கடல் மீன்பிடி ஒழுங்குமுறை அமலாக்கப்பிரிவு, தமிழ்நாடு கடலோர காவல்படை உள்ளிட்ட சிறப்பு பணிக்குழு அமைக்கப்பட்டது. கடல் ஆமைகளின் இனப்பெருக்க காலம். இந்த குழுவின் கூட்டம் நேற்று நடைபெற்றது. அப்போது, இந்திய கடலோர காவல்படை, மீன்வளத்துறை, வனத்துறை, கடல்சார் அமலாக்கப்பிரிவு, தமிழ்நாடு கடலோர காவல்படை அதிகாரிகள் அடங்கிய கூட்டு ரோந்து குழு, கடல் பகுதிகளில் மீன்பிடி படகுகள் மற்றும் கப்பல்கள் நடமாட்டத்தை கண்காணிக்க அறிவுறுத்தப்பட்டுள்ளது.
மற்றும் விதிமீறல் இருந்தால் சம்பந்தப்பட்டவர்கள் மீது நடவடிக்கை எடுக்கப்பட்டு அரசுக்கு அறிக்கை அனுப்பப்பட்டுள்ளது. மீன்வளம் மற்றும் கால்நடை பராமரிப்பு துறைகள், வனத்துறை மற்றும் மேம்பட்ட வனவிலங்கு பாதுகாப்பு நிறுவனம் மற்றும் தமிழ்நாடு கால்நடை மருத்துவ பல்கலைக்கழகம் போன்ற ஆராய்ச்சி நிறுவனங்கள் ஆமை இறப்பு குறித்து தொடர்ந்து ஆய்வுகளை நடத்தி வருகின்றன. இவ்வாறு அவர் கூறினார். இதையடுத்து, ஆமைகள் உயிரிழக்க காரணமான இழுவை வலைகளை பயன்படுத்திய கப்பல்களை அரசு கண்டறிந்துள்ளதா என்றும், எத்தனை மீன்பிடி கப்பல்கள் மீது நடவடிக்கை எடுக்கப்பட்டுள்ளது என்றும் ஐகோர்ட் கேள்வி எழுப்பியது.
இதற்கு, “மீன்பிடிக்கும்போது முறையான நடைமுறைகளை பின்பற்றாத மீன்பிடி கப்பல்கள் மற்றும் படகுகளுக்கு டீசல் மானியம், இதர உதவித்தொகை, நலத்திட்டங்கள் வழங்கப்படாது என அரசு முடிவு செய்துள்ளது. அரசு சார்பில் அறிக்கை தாக்கல் செய்யப்படும்,” என, அரசு வழக்கறிஞர் சண்முகநாதன் கூறினார். இதையடுத்து, “ஆமைகள் உயிரிழக்க காரணமான இழுவை வலைகளை பயன்படுத்திய மீன்பிடி கப்பல்கள் மீது எடுக்கப்பட்ட நடவடிக்கை குறித்து தமிழக அரசு வரும் 31-ம் தேதிக்குள் விரிவான அறிக்கை தாக்கல் செய்ய வேண்டும்” என்று தென்மண்டல தீர்ப்பாயம் உத்தரவிட்டது.
