தேனி: தேனி மாவட்டம் உத்தமபாளையம் தாலுகாவில் உள்ள முல்லைப் பெரியாறு அணையில் பராமரிப்புப் பணிகள் மற்றும் கட்டுமானப் பொருட்களை வாகனங்கள் மூலம் கொண்டு செல்ல கேரள வனத்துறையிடம் முறையான அனுமதி பெறப்பட்டுள்ளது. தேனி, திண்டுக்கல், மதுரை, ராமநாதபுரம் மற்றும் சிவகங்கை மாவட்டங்களின் குடிநீர் மற்றும் பாசனத்திற்கு ஆதாரமாக விளங்கும் முல்லைப் பெரியாறு அணை, தமிழக-கேரள எல்லையில் அமைந்துள்ளது.
முல்லைப் பெரியாறு அணை பகுதியில் தமிழக அரசு பொதுப்பணித்துறை ஆண்டுதோறும் பராமரிப்பு பணிகளை மேற்கொள்வது வழக்கம். இந்நிலையில், கடந்த டிசம்பர் 4-ம் தேதி பொதுப்பணித்துறை சார்பில் தேனியில் இருந்து இரண்டு தனியார் லாரிகளில் பொருட்களை ஏற்றி இடுக்கி மாவட்டம் குமுளி தாலுகா வல்லகடவு வழியாக முல்லைப் பெரியாறு அணைக்கு கொண்டு சென்றனர்.
சோதனைச் சாவடியில் கேரள வனத்துறையிடம் உரிய அனுமதி பெற்ற பின்னரே முல்லைப் பெரியாறு அணைக்கு பொருட்களை கொண்டு செல்ல அனுமதிக்கப்படும் என்று தெரிவிக்கப்பட்டது.
இதையடுத்து, தேனி மாவட்ட ஆட்சியர், தமிழக அரசின் கூடுதல் தலைமைச் செயலரிடம் (நீர்வளத்துறை) தகவல் தெரிவித்து, வல்லக்கடவு சோதனைச் சாவடி, தேக்கடி படகு இறங்கு தளம் வழியாக முல்லைப் பெரியாறு அணைப் பகுதிக்கு கட்டுமானப் பொருட்களைக் கொண்டு செல்ல கேரள அரசிடம் அனுமதி பெறப்பட்டுள்ளது. தேனி மாவட்ட ஆட்சியர் ஆர்.வி. ஷஜீவனா தெரிவித்தார்.
