பங்குச் சந்தை வர்த்தகத்தில் ஈடுபடும் டீலர்களும், தரகு நிறுவனங்களும் சில சட்ட விரோத நடைமுறைகளைப் பின்பற்றி உடனடி லாபம் சம்பாதித்து வருகின்றனர். பிஎன்பி மெட்லைஃப் இந்தியா இன்சூரன்ஸ் நிறுவனத்தின் பங்குகள் விற்பனையில் டீலர்களாக செயல்படும் சச்சின் பகல் தக்லி மற்றும் 8 நிறுவனங்கள் சட்ட விரோதமாக ‘ஃப்ரண்ட் ரன்னிங்’ முறையை பின்பற்றி வருகின்றன.
நிலுவையில் உள்ள ஆர்டர்கள் மற்றும் பரிவர்த்தனைகளின் நிலையை முன்கூட்டியே அறிந்து அந்தத் தகவலைத் தங்கள் கூட்டாளர் நிறுவனங்களுடன் பகிர்ந்து கொள்கிறார்கள். இந்த தகவல் பொதுவில் வெளியிடப்படவில்லை. இந்தத் தகவலைப் பயன்படுத்தி, அந்த நிறுவனங்கள் பங்குகளை வாங்கி அல்லது விற்று உடனடியாக லாபம் ஈட்டுகின்றன. இதுபோன்ற முறைகேடுகளில் ஈடுபடுபவர்களை பங்குச் சந்தை கட்டுப்பாட்டு அமைப்பான செபி கண்டறிந்து நடவடிக்கை எடுத்து வருகிறது.
பிஎன்பி மெட்லைஃப் பங்கு விற்பனையில் டீலராக செயல்பட்ட சச்சின் பகுல் டக்லி உள்ளிட்ட 8 நிறுவனங்களுக்கு கடந்த காலங்களில் இதுபோன்ற சட்டவிரோத பங்கு விற்பனை மூலம் ரூ.21.16 கோடி லாபம் கிடைத்ததைக் கண்டறிந்த செபி, பங்குச் சந்தையில் வர்த்தகம் செய்ய தடை விதித்துள்ளது.
இந்த நிறுவனங்கள் முறைகேடாக சம்பாதித்த ரூ.21.16 கோடியை பறிமுதல் செய்யவும் செபி உத்தரவிட்டுள்ளது. இந்த மோசடி குறித்து அறிக்கை வெளியிட்டுள்ள பிஎன்பி மெட்லைஃப் நிறுவனம், செபி விசாரணைக்கு முழு ஒத்துழைப்பு அளிப்பதாகவும், மோசடியில் ஈடுபட்ட டீலர்கள் மீது ஒழுங்கு நடவடிக்கை எடுக்கப்படும் என்றும் தெரிவித்துள்ளது.
