நான் அறுவை சிகிச்சை செய்யவில்லை… நடிகை ஹனிரோஸ் பதிலடி

சினிமா: மலையாள நடிகை ஹனி ரோஸ், 2005 ஆம் ஆண்டு தனது 14வது வயதில் பாய்பிரண்ட் திரைப்படத்தின் மூலம் மலையாளத் திரைப்படத்தில் அறிமுகமானார். தொடர்ந்து பல்வேறு படங்களில் நடித்து வருகிறார். தமிழில் ‘முதல் கனவே’, ‘சிங்கம்புலி’, ‘மல்லுக்காடு’, ‘கந்தர்வன்’ உள்ளிட்ட படங்களில் நடித்துள்ளார்.

தெலுங்கு நடிகர் நந்தமுரி பாலகிருஷ்ணாவுக்கு ஜோடியாக வீரசிம்ம ரெட்டி படத்தில் நடித்து ஆந்திராவில் பிரபலமானார். இன்ஸ்டாகிராமில் அவருக்கு 33 லட்சம் பின்தொடர்பவர்கள் உள்ளனர். ஹனி ரோஸ் தனது அழகின் ரகசியம் அறுவை சிகிச்சை என்று சமூக வலைதளங்களில் பல விமர்சனங்களை எதிர்கொண்டார்.

தற்போது அந்த விமர்சனங்களுக்கு ஹனி ரோஸ் தக்க பதிலடி கொடுத்துள்ளார். இது குறித்து ஹனி ரோஸ் அளித்த பேட்டியில், எனக்கு அறுவை சிகிச்சை செய்யப்படவில்லை. மேலும் சில பவுடர்களை மட்டும் பயன்படுத்தி தனது அழகை பராமரித்து வருவதாகவும் கூறியுள்ளார். மேலும் அவர் கூறியதாவது:- நான் எந்த ஒப்பனை அறுவை சிகிச்சையும் செய்யவில்லை.

கடவுள் கொடுத்த அழகைத் தவிர என்னிடம் எதுவும் இல்லை. அழகை பராமரிக்க சில பொடிகளை பயன்படுத்துகிறேன். இவை அனைத்தும் முற்றிலும் அவசியம். நடிகையாக இருப்பதும், கிளாமர் துறையில் பணியாற்றுவதும் எளிதான காரியம் அல்ல. நம் உடலைப் பராமரிப்பது பெரிய விஷயம். நம் உடலை அழகாக்குவது கடவுள்தான் என்றார்.