அமெரிக்க அதிபர் டொனால்டு டிரம்பின் இரண்டாவது ஆட்சிக்காலத்தில் இதுவரை 2.50 லட்சத்துக்கும் மேற்பட்ட விசாக்கள் ரத்து செய்யப்பட்டுள்ளதாக அமெரிக்க வெளியுறவுத்துறை தெரிவித்துள்ளது. ஆகஸ்ட் மாதத்தில் மட்டும் 1.75 லட்சம் விசாக்கள் ரத்து செய்யப்பட்டதாக தகவல் வெளியாகியுள்ளது.
பல்வேறு காரணங்களால் ரத்து
விசா விதிமுறைகளை மீறுதல், குற்றச்செயல்களில் ஈடுபடுதல், மோசடி உள்ளிட்ட காரணங்களுக்காக விசாக்கள் ரத்து செய்யப்பட்டுள்ளதாக அமெரிக்க வெளியுறவுத்துறை கூறியுள்ளது.
அமெரிக்க தேசிய பாதுகாப்புக்கு அச்சுறுத்தலாக கருதப்படும் நடவடிக்கைகள் மற்றும் அமெரிக்காவுக்கு எதிரான வன்முறைக்கு ஆதரவளிப்பதாக கருதப்படும் செயல்பாடுகளும் விசா ரத்துக்கான காரணங்களாக குறிப்பிடப்பட்டுள்ளன.
குறிப்பாக, ஆகஸ்ட் மாதத்தில் மட்டும் 1.75 லட்சம் விசாக்கள் ரத்து செய்யப்பட்டுள்ளதாக கூறப்படும் நிலையில், அதில் 2,300 பிறப்பு சுற்றுலா தொடர்பான விசாக்களும் அடங்குவதாக தெரிவிக்கப்பட்டுள்ளது.
எச்1பி விசா கட்டண விவகாரம்
இதற்கிடையே, வெளிநாட்டு பணியாளர்களை அமெரிக்காவில் பணியமர்த்துவதற்கான எச்1பி விசா கட்டண உயர்வுக்கு எதிரான வழக்குகளும் நீதிமன்றங்களில் தொடர்கின்றன.
முன்னதாக மாசசூசெட்ஸ் நீதிமன்றத்தில் கட்டண உயர்வுக்கு எதிராக தீர்ப்பு வழங்கப்பட்ட நிலையில், கலிபோர்னியா மாவட்ட நீதிமன்றத்திலும் இதுதொடர்பான வழக்கு தொடரப்பட்டுள்ளது என தகவல்கள் வெளியாகியுள்ளன.
அமெரிக்காவின் குடியேற்றக் கொள்கைகளில் டிரம்ப் நிர்வாகம் மேற்கொண்டு வரும் மாற்றங்களின் ஒரு பகுதியாக விசா நடைமுறைகளில் கடுமையான கண்காணிப்பு தொடர்கிறது.
