ரூக்ஸ் மீடியாவின் பிரபு ஆண்டனி-அர்ஜுன் தாஸ்-காளிதாஸ் ஜெயராம் நடித்த ‘போர்’ படத்தை தயாரித்த மது அலெக்சாண்டர் தயாரிக்கும் அடுத்த படத்தில் யோகி பாபு கதாநாயகனாக நடிக்கிறார். மேகா தாமஸ், ஜாசிக், அஞ்சு மற்றும் பலர் முக்கிய வேடங்களில் நடித்துள்ளனர்.
ஜெய் இயக்கியுள்ள இந்தப் படம் இன்றைய இளம் தலைமுறையினருக்கான குடும்ப பொழுதுபோக்காக உருவாக்கப்பட்டுள்ளது. நரேஷ் குமார் ஒளிப்பதிவு செய்துள்ளார், பிஜு சாம் இந்தப் படத்திற்கு இசையமைத்துள்ளார். இந்தப் படத்தின் படப்பிடிப்பு முடிவடைந்து, தற்போது போஸ்ட் புரொடக்ஷன் பணிகள் நடைபெற்று வருகின்றன. இதன் தலைப்பு மற்றும் ஃபர்ஸ்ட் லுக் விரைவில் வெளியிடப்படும் என்று படக்குழு அறிவித்துள்ளது.
