சென்னை வானிலை ஆய்வு மையம், தமிழ்நாடு மற்றும் புதுவை மாநிலங்களில் அடுத்த இரண்டு நாட்களுக்கு கனமழை எச்சரிக்கையை வெளியிட்டுள்ளது. தற்போது, தமிழக கடலோர பகுதிகளில் காற்றழுத்த தாழ்வு நிலை நிலவி வருகிறது. இதனால், மாறுபட்ட மேற்கு திசை காற்றின் காரணமாக மற்றும் பலத்த காற்றுடன் (மணிக்கு 30 – 40 கிமீ வேகத்தில்) லேசானது முதல் மிதமானது வரை மழை பெய்யக்கூடும் என எதிர்பார்க்கப்படுகிறது.
காஞ்சிபுரம், செங்கல்பட்டு, விழுப்புரம், கடலூர், தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, புதுச்சேரி மற்றும் காரைக்கால் மாவட்டங்களில் ஓரிரு இடங்களில் கனமழை பெய்ய வாய்ப்பு உள்ளது.
மேலும், மீனவர்களுக்கு எச்சரிக்கை விடுக்கப்பட்டுள்ளது. மன்னார் வளைகுடா, தென்கிழக்கு கடலோர பகுதிகள், குமரி கடல், தென்மேற்கு வங்கக்கடல் மற்றும் வடகிழக்கு கடலோர பகுதிகளில் மணிக்கு 35 முதல் 45 கிமீ வேகத்தில், அவ்வப்போது 55 கிமீ வேகத்தில் சூறாவளி காற்று வீசக்கூடும். மத்திய மேற்கு அரபிக்கடலில், மணிக்கு 45 முதல் 55 கிமீ வேகத்தில், மற்றும் மத்திய கிழக்கு அரபிக்கடலில் மணிக்கு 35 முதல் 45 கிமீ வேகத்தில் சூறாவளி காற்று வீசக்கூடும்.
மீனவர்களுக்கு, இப்பகுதிகளுக்கு செல்ல வேண்டாம் என சென்னை வானிலை ஆய்வு மையம் அறிவுறுத்தியுள்ளது.
