திருப்பத்தூர்: சிறுமிக்கு தாலிகட்டிய இளைஞர் மீது வழக்கு… திருப்பத்தூரில் 15 வயது சிறுமிக்கு இளைஞர் தாலி கட்டிய வீடியோ வெளியான சம்பவத்தில் இளைஞர் மீது போக்சோ சட்டத்தில் வழக்குப்பதிவு செய்யப்பட்டுள்ளது.
திருப்பத்தூர் மாவட்டம் வாணியம்பாடி அருகே மேல்குப்பம் கிராமத்தை சேர்ந்த 15 வயது சிறுமிக்கு கோயிலில் வைத்து 22 வயது இளைஞர் பாலாஜி என்பவர் தாலிகட்டிய வீடியோ வலைதளங்களில் வெளியானது.
இது குறித்து சிறுமியின் தாயார் அளித்த புகாரை அடுத்து போலீசார் சிறுமியை மீட்டு பெற்றோரிடம் ஒப்படைத்தனர். தப்பியோடிய பாலாஜி மீது போக்சோ வழக்கு பதிவு செய்து அவரை தேடி வருவதாக போலீசார் தெரிவித்தனர். இதுகுறித்து போலீசார் தரப்பில் தெரிவிக்கையில் இதுபோன்ற சம்பவங்களில் ஈடுபடுபவர்கள் மீது கடும் நடவடிக்கை எடுக்கப்படும் என்று எச்சரித்துள்ளனர்.
