கடலூர்: ரூ.10 கூல்டிரிங்ஸ் குடித்த 8 வயது சிறுவன் மயக்கம் அடைந்து தனியார் மருத்துவமனையில் தீவிர சிகிச்சை பெற்று வரும் சம்பவம் பரபரப்பை ஏற்படுத்தி உள்ளது.
கடலூர் மாவட்டம் சாத்தப்பாடி கிராமத்தில் கடந்த 8ஆம் தேதி, 10 ரூபாய் கூல்டிரிங்ஸ் குடித்த சிறிது நேரத்தில் மயங்கி விழுந்ததாக கூறப்படும் 8 வயது சிறுவன் ஜெகதீஷுக்கு விருத்தாச்சலத்தில் உள்ள தனியார் மருத்துவமனையில் சிகிச்சை அளிக்கப்பட்டு வருகிறது.
தீவிர சிகிச்சை பிரிவில் அனுமதிக்கப்பட்டுள்ள தனது மகனுக்கு கல்லீரல் பாதிப்பு ஏற்பட்டுள்ளதாக கூறியுள்ள அவரது தாய் கிருஷ்ணவேணி கொடுத்த புகாரின் பேரில் கமாபுரம் போலீசார் விசாரணை மேற்கொண்டுவருகின்றனர்.
