சென்னை: லோக்சபா எதிர்க்கட்சித் தலைவராக பதவியேற்றுள்ள காங்கிரஸ் மூத்த தலைவர் ராகுல் காந்திக்கு தமிழ்நாடு வெற்றி கழக தலைவரும், நடிகருமான விஜய் வாழ்த்து தெரிவித்துள்ளார்.
டெல்லியில் உள்ள காங்கிரஸ் தலைவர் மல்லிகார்ஜுன கார்கே இல்லத்தில் அகில இந்திய கூட்டணியின் ஆலோசனை கூட்டம் நேற்று (ஜூன் 25) நடைபெற்றது.
இந்த ஆலோசனையின் முடிவில் மக்களவை எதிர்க்கட்சித் தலைவராக ராகுல் காந்தி ஒருமனதாக தேர்வு செய்யப்பட்டார். இதையடுத்து அவருக்கு எதிர்க்கட்சி தலைவர்கள் வாழ்த்து தெரிவித்து வருகின்றனர்.
இதுகுறித்து விஜய் தனது எக்ஸ் தளத்தில், “இந்திய தேசிய காங்கிரஸ் மற்றும் அதன் கூட்டணிக் கட்சிகளால் மக்களவை எதிர்க்கட்சித் தலைவராக ஒருமனதாக தேர்வு செய்யப்பட்ட ராகுல் காந்திக்கு வாழ்த்துகள்.
நாட்டு மக்களுக்கு சேவை செய்ய எனது வாழ்த்துகள்” என விஜய் குறிப்பிட்டுள்ளார். முன்னதாக நேற்று காங்கிரஸ் கட்சியின் மூத்த தலைவர் ராகுல் காந்தி ரேபரேலி மக்களவைத் தொகுதியின் உறுப்பினராக பதவியேற்றார்.
கையில் அரசியலமைப்பு நகலை வைத்து ஆங்கிலத்தில் பதவியேற்ற ராகுல் காந்தி, இறுதியாக இந்தியா வாழ்க! அரசியல் சாசனம் வாழ்க! என முழக்கமிட்டார்.
அவரது பதவியேற்பு விழாவின் போது, காங்கிரஸ் உறுப்பினர்களும், கூட்டணி கட்சிகளை சேர்ந்த உறுப்பினர்களும் கோஷங்களை எழுப்பி ஆதரவு தெரிவித்தனர்.
