கோயம்புத்தூர்: கோயம்புத்தூர் மாவட்டம் மருதமலை அருகே உணவுக்காக குடிருப்புக்குள் குட்டியுடன் தாய் யானை வந்து வீட்டு கேட்டை உடைக்கும் சிசிடிவி காட்சி வெளியாகி பரபரப்பை ஏற்படுத்தி உள்ளது.
கோயம்புத்தூர் மாவட்டம், மருதமலை வனப்பகுதியில் இருந்து குட்டியுடன் வந்த யானை ஒன்று ஐஓபி காலனியில் வீட்டின் கேட்டை உடைத்துக் கொண்டு உள்ளே வந்த காட்சி சிசிடிவி கேமராவில் பதிவாகியுள்ளது.
வீட்டின் கதவையும் உடைத்து தும்பிக்கையை மட்டும் உள்ளே நீட்டி உணவுப் பொருட்களை தேடிய நிலையில், வீட்டில் இருந்தவர்கள் அலறியடித்தபடி மாடியில் உள்ள அறைகளுக்கு ஓடினர். பின்னர் ஏதும் கிடைக்காத நிலையில் அந்த யானை திரும்பி சென்றது. இந்த சிசிடிவி காட்சிகள் வெளியாகி பரபரப்பை ஏற்படுத்தி உள்ளது.
