வாஷிங்டன்: ரஷ்யா மற்றும் உக்ரைன் இடையே கடந்த 2022-ம் ஆண்டு பிப்ரவரி மாதம் முதல் போர் நடந்து வருகிறது. இதன் காரணமாக ரஷ்யா மீது அமெரிக்கா மற்றும் ஐரோப்பிய நாடுகள் பல்வேறு பொருளாதார தடைகளை விதித்துள்ளன.
இந்நிலையில், ரஷ்யாவுக்கு தேவையான மின்னணு சாதனங்கள், ஆயுத பாகங்கள், ராணுவ தளவாடங்கள் ஆகியவை வடகொரியா, சீனா, இந்தியா, துருக்கி, மலேசியா, சிங்கப்பூர், ஐக்கிய அரபு எமிரேட்ஸ், கஜகஸ்தான் ஆகிய நாடுகளை சேர்ந்த நிறுவனங்களிடம் இருந்து மறைமுகமாக கொள்முதல் செய்யப்பட்டதாக கூறப்படுகிறது. இதை கண்டுபிடித்த அமெரிக்க அரசு 400-க்கும் மேற்பட்ட நிறுவனங்கள் மற்றும் தனிநபர்கள் மீது பொருளாதார தடைகளை விதித்தது.
இதில் இந்தியாவைச் சேர்ந்த 19 நிறுவனங்கள் மற்றும் தனிநபர்கள் உள்ளனர். இதுகுறித்து, அமெரிக்க வெளியுறவுத்துறை வெளியிட்ட அறிக்கையில் கூறியிருப்பதாவது:- ரஷ்ய ராணுவம் மற்றும் அந்நாட்டின் தொழில் துறைக்கு தேவையான மின்னணு சாதனங்கள் மற்றும் தொழில்நுட்பங்கள் மூன்றாம் தரப்பு நாடுகளில் இருந்து வாங்கப்பட்டுள்ளன. இந்தியாவைச் சேர்ந்த அசென்ட் அவிடேசன் அண்டியா, மஸ்க் ட்ரான்ஸ், டிஎஸ்எம்டி குளோபல், புயூடிரிவோஆகிய நிறுவனங்கள் ரஷ்ய நிறுவனங்களுக்கு பொருட்களை அனுப்பியுள்ளன.
இந்தியாவின் அசென்ட் அவிடேசன் நிறுவனம் 2 லட்சம் அமெரிக்க டாலர் மதிப்புள்ள விமான பாகங்களை ரஷ்ய நிறுவனங்களுக்கு அனுப்பியுள்ளது. இவை அமெரிக்காவில் தயாரிக்கப்பட்ட உதிரி பாகங்கள். அதேபோல், இந்தியாவைச் சேர்ந்த மஸ்க் டிரான்ஸ் நிறுவனம் 3 லட்சம் அமெரிக்க டாலர்கள் மதிப்பிலான சிஎச்பிஎல் தயாரிப்புகளை ரஷ்ய நிறுவனங்களுக்கு அனுப்பியுள்ளது. இந்தியாவின் டிஎஸ்எம்டி குளோபல் பிரைவேட் லிமிடெட் USD 4,30,000 மதிப்புள்ள சிஎச்பிஎல் தயாரிப்புகளை அமெரிக்காவிற்கு அனுப்பியுள்ளது. இந்த நிறுவனங்கள் மீது பொருளாதார தடை விதிக்கப்பட்டுள்ளது.
இனிமேல் இந்த நிறுவனங்கள் அமெரிக்கா மற்றும் அதன் நட்பு நாடுகளிடம் இருந்து பொருட்களை வாங்க முடியாது. இவ்வாறு அமெரிக்க அரசின் அறிக்கையில் கூறப்பட்டுள்ளது. சர்வதேச பாதுகாப்பு நிபுணர்கள் கூறியதாவது:- இந்திய நிறுவனங்கள் உட்பட 400-க்கும் மேற்பட்ட நிறுவனங்கள் மற்றும் தனிநபர்கள் மீது அமெரிக்க அரசு பொருளாதார தடை விதித்துள்ளது. இந்த நிறுவனங்கள் சர்வதேச அளவில் வர்த்தகம் செய்து வருகின்றன.
அமெரிக்க அரசாங்கத்தின் பொருளாதாரத் தடைகள் நிறுவனங்களையோ அல்லது ரஷ்யாவையோ பெரிய அளவில் பாதிக்காது. அமெரிக்க அதிபர் தேர்தல் வரும் 5ம் தேதி நடக்கிறது. இதனை கருத்தில் கொண்டு ஆளும் ஜனநாயக கட்சி அரசு 400 நிறுவனங்களுக்கு அனுமதி வழங்கப்பட்டுள்ளதாக அறிவித்துள்ளது. இது ஒரு அரசியல் செயல். சர்வதேச பாதுகாப்பு நிபுணர்கள் இதனை தெரிவித்துள்ளனர்.
