சென்னை: முதல்வர் மு.க.ஸ்டாலினின் கனவுத் திட்டமான ‘நான் முதல்வன்‘ திட்டம் 2022 மார்ச் 1-ம் தேதி தொடங்கப்பட்டது. இந்நிலையில், ‘நான் முதல்வன்‘ திட்டம் வெற்றியடைந்ததை தமிழக முதல்வர் ஸ்டாலின் பெருமிதத்துடன் குறிப்பிட்டுள்ளார். இது குறித்து அவர் தனது எக்ஸ் தளத்தில், “தமிழகத்தின் முதல்வராகவும், பெருமை மிக்க பெற்றோராகவும், நமது இளைஞர்களின் அறிவுத்திறன் அங்கீகரிக்கப்படுவதைக் கண்டு என் உள்ளம் பெருமிதம் கொள்கிறது.
என் மனதுக்கு நெருக்கமான ‘நான் முதல்வன்‘ நிகழ்ச்சியின் மூலம் உலக அரங்கில் ஜொலிக்கும் இளம் தலைவர்களை வளர்த்து வருகிறோம். நம் இளைஞர்கள் தலைநிமிர்ந்து நின்று உலகை வென்று வழிநடத்தத் தயார் என்று பறைசாற்றுகிறார்கள் என்று தெரிவித்துள்ளார்.
